t day.

U Loh Ryndi bad Ka Lim Dohkha.

Ki Synteng ki batai ia ka jinglong tynrai ki Siem Suhtnga kumne. La
don u wei U War Umwi, uba kyrteng U Loh Ryndi, uba la leit khwai
dohkha na ka Wah Umwi; te ynda la ngat tang kata kawai u la wan
noh sba la ieng. Ynda u la syang u la buh noh halor tyngir ha ka
ruh. Hangta u la klet bad um kynmaw shuh ban bam ia ka. Kumta ynda
la-shai mynstep u la leit kai pat sha lum, te haba u la wan noh la
jan miet u la shem ia ka iing jong u ba la sar la sumar bad ka ja ba
la ih. Mynkata u la lyngngeh shiban ba ka long kumne. Te kum la-shai
ka la long kumjuh. Ynda ka shu dem iailong kumne-pa-kumne la ban sin
eh, ynda kumta u la leh ia lade kum u ban sa leit lum, u da ting ia
u ksew. Hinrei u la rih noh baroh shi sngi harud nong, bad ynda la
poi ka por shet ja u la wan noh sha iing. Te mynba u la ioh-i ba la
tydem ding ha ieng u la syntiat bha biang ba un ioh rung kynsan bluit
hapoh. Hynda kumta u la shem ia ka kynthei hangta. U la ong ia ka,
"Pha kaei"? Ka la ong ia u, "nga long Ka Lih-dohkha, ma nga, nga long
kata ka dohkha ba me la ngat bad me la klet ban bam." Ynda kumta ka
la ong ia u "me wat pyntip iano iano ruh, nga don ki kur shibun eh,
ngin ia leit shaw ia ki ban wan noh shane." Kumta U Loh Ryndi u la
buh ia la ka kmie ban sumar ia ka iing tad ynda un wan na ka jingleit
jong u. Ynda ki la ia leit ki la poi ha kata ka jaka ba u la ngat ia
ka. Ynda kumta ka la sid ha ka um, u te u nang sah ha ka ryngkew. Te
la shibit ka la wan pat sha u bad ka wallam lem bad ka ia ki kur,
hinrei ki long katno ngut ym lah banong, bad ki la leit baroh sha ka
iing U Loh Ryndi. Te mynba Ka Lih Dohkha ka la sydang rung ha iing,
hamar be kan sa jam ia ka shahksew ka la ioh-i ia u synsar ba la buh ka
kmie jong u hapoh kata ka shahksew; namarkata ka la kylla din bak bad
ki kur jong ka sha kata ka wah. Hadin kata U Loh Ryndi u la phohsniw,
u la ioh-i ha kata ka jingphohsniw ia Ka Lih Dohkha ba ka la leit noh
sha ka shnong ba ki khot ka Suhtnga ha ka Umwai-khyrwi (naduh kata
la jah noh ki dohkha ha ka wah Umwi haduh mynta). Te u ruh u la leit
sha kata ka wah ban khwai ia ka, bad ynda u la ngat u la shem ba ka
sumar ia u kumjuh. Ynda nangta u la shongkurim bad Ka Lih Dohkha,
bad u la ioh khun khadar ngut ki kynthei uwei u shynrang. Ynda la
rangbah kita ki khun u Loh Ryndi bad Ka Lih Dohkha ki la leit noh
baroh ar ngut ha kata ka Umwai Khyrwi. Te ki ong ba na u ryngwiang
khwai jong U Loh Ryndi, harud um ba u la