kham slem ki
la ioh ka lad kaba biang kumne. Ha kata ka khlaw hajan Laitryngew
kaba ki khot 'law Suidnoh la don uwei uba kyrteng "U Suidnoh"
ki la ong ba'n pynialok ia U Suidnoh bad U Thlen. Une U Suidnoh u
long uba riwnar u b'ym jiw iaid ryngkat briew. Wei briw, wei briw,
u iaid. Kumte haba u leit sha U Thlen ruh u'm bam satia namar ba U
Thlen hi ruh u'm jiw bam ha b'ym don jingpyllait. Ki briew ki la sylla
ia U Suidnoh ba un leit ai doh ia u hala ka sngi; u ai da ki blang,
ki sniang, ki massi. Haba la leh kumta kham slem U Thlen u la juh,
u la ia lok bha bad "U Suidnoh." Te ynda kine ki la ia juh bha,
u khun bynriew u la bythah pat ia U Suidnoh ba u'n shna shlem, bad
u la shna shlem ba'n pyrsut nar-wah. Ynda u la pyrsut ia u nar haduh
ba u la saw bha hain u la khap na ka lawar ding bak bad katba u dang
saw dang khluid bha u la leit lam ha U Thlen. Tang shu poi u ong "Ko
kynum ang, ang, kane ka doh," bad iang u shu ang u la thep jluk ha u
pydot. Hangta U Thlen u la khih u la lympat u la kyrhtat u la ksaid
iap baduh ba la win ka khyndew kumba khih u jumai. Hangta U Suidnoh,
haba u ioh-i ia ka jingksaid iap U Thlen, u ruh u la iapler b'ym tip
briew shuh. Te kata ka jingwin ka khyndew ka la pynkyndit ia u khun
bynriew baroh ha ka pyrthei, bad ki la pyrkhat ba la jia ei ei. U
Suidnoh u'm poi shuh sha la iing, te kiba ha iing jong u ki la leit
wad, namar ki la tip ba u la leit ai jingbam ha U Thlen da u nar saw:
hangta ki la shem ba u la iap ler, bad ki la pynkyndit ia u bad ki
la kylli ia u "Balei me iapler kumne?" U ong, "Hamar ba nga dang
ai jingbam ia U Thlen da u nar saw ba la pyrsut bha, u la kyrthat,
khih lympat U Thlen bad nga la iap ler. "Ia, ia leit khymih kumno u
la long." Ynda ki la ia leit khymih ki shem ba la iap U Thlen. Hangta
la pynbyna haw ia ka pyrthei baroh be la lah iap U Thlen, bad u lum
ka dorbar ba'n bam noh ia u. Hangta ha ka dorbar ki la ia kut kumne:
ki Khasi ki'n bam shiteng bad ki Dykhar ki'n bam shiteng. Ynda la
ia kut kumta ha ka dorbar ki la ieng ba'n leit sei noh na ka krem,
bad ki la rah halor u mawsiang. Hangta ki la ia shain ia dain ia
ka doh U Thlen lyngkhot lyngkhot. Ki Dykhar na mih-ngi, namar ba ki
kham bun briew ki la bam lut ia la ka bynta, kim shym pynaah ei ei,
kumta ym don Thlen shuh ha pyddeng ki Dylhar. Hinrei ki Khasi, na
sepngi namar ba ki kham duna briew ki'm shym lah ba'n bam lut ia la
ka bynta, ki la pynsah katto katne. Kumta namar ba ki'm shym bam lut,
U Thlen u dang sah