u sngowisynei ia ka pyrthei sngi ba shem shitom haduh katne. Te
u la thaw kawei ka sharati ban put ka jingiam briw bad jingriwai
sngowisynei. Mynsngi mynsngi u jiw leit bylla pynlur masi haba la
don ba wer, haba ym don u shong khop-khop ha la iing, u iam u ud,
u sum dypei sum khyndew halor la ki jain syrdep jot. Mynmiet mynmiet
u sum u sleh, u kup bha kup khuid; bad ynda u la lah bam lah dih u
shim ka sharati u put haduh ban da shai. Barobor u jiw leh kumta. Ha
kaba put ruh u long uba nang shibun, u don khadar jaid ki jingput
kiba kongsan tam ha ka jingput jong u. Te la don ka mahadei ha kata
ka shnong kaba u tynga jong ka u long u Siem Rangbah ha ka Hima. Une
u Siem u leit sha Dykhar ban pyndep bun jaid ki kam Siem jong u, bad
u dei ban jah slem na la iing. Kane ka mahadei ha kawei ka miet haba
ka la ioh sngow ba'riew ka sharati U Raitong ka la sngowbha shibun
eh ban sngap, bad haba ka la sngap ka la sngow ieit sngowisynei ia
U Raitong haduh ba ka la khie joit shiteng synia ban leit kai sha
U Raitong. Te haba ka la poi tiap ha khymat ka iing jong u ka la
phah plie ban wan kai. U Raitong u ong ym lah ban plie namar kam
long ka por ba dei ban wan kai. Kumta u put la ka jingput bad la
ka jingshad nohlyngngeb pynjem ryndang jaw ummat. Te ke mahadei,
haba ka la khymih na kawei ka thliew kaba pei, ka la iohih ia u;
hangta lei-lei kam don pyrthei shuh haduh ba ka la kyddiah ia ki
jingkhang bad ka la rung shapoh iing. Kumta U Raitong u la wai noh
la ka jingput bad u sngowsib, halor ba shem kat kane ka pyrthei sngi,
sa kane ruh nang wan leh ih-bein kumne. Haba ka la lam pynsboi ia u,
U Raitong u la sneng ia ka bad u la phah nob ia ka, te ka la leit
noh haba ka sydang ban shai pher. U Raitong u la law la ki jain bha,
u la shim la ki syrdep bad, u dypei ban leh kumta u jiw leh bad u la
leit pynlur masi. Hinrei kane ka mahadei ka la riam ia u da kawei pat
ka buit. Te katba u Siem u nangsah ha Dykhar ka la nang kha i wei i
khun shinrang, bad haba u la wan u la sngow phylla shibun eh ba ka
la ioh khun haba um don. La u kylli byniah katno-katno ruh kam phla
satia. Kumta U Siem u la lum ia u tymmen u san, u khynraw khyndein,
baroh ban bishar, te haba ym shem sabud ei ei shaphang kane ka kam,
kumta u buh ha kawei ka sngi ba yn wan u shinrang briw baroh katha don,
kin wallam bad lakait kawei-kawei man u briw. Ynda la poi kata ka sngi,
baroh ki la wan na ka hima, bad U Siem u ong, phin shonq tawiar baroh,
pynih la ka kait, ngin buh ia un