u long u Siem-Blei. Haba ong Siem-Blei ka mut ba U Blei u la i
mon sngewbha ba'n aiti ha u ban synshar ia kawei ka bynta kaba khraw
ha ri Khasi. Ha une la ai ba'n synshar ha ri Shillong. Haba wad ia ka
jingsdang jong kine ki Siem Blei don shibun ka jingb'ym thikna. La
kumno-kumno ka don ka jingiathu-khana kum kane kaba harum ha pydeng
ki Khasi haduh kane ka sngi. Ha kaba nyngkong eh la byna ha don kawei
ka briew ha ka krem Marai, kaba hajan ka shnong Pomlakrai mynta, ha
tyllong ka wah Umiew ne Umiam. Kata ka briew kaba dang met samla kaba
bhabriew shibun eh. Ia kaba ka don, ka don hangta barabor, bad bun ki
ia pyrshang ban kem ia ka, kim lah namar ka long ka krem kaba khim. Te
ynda la mih uwei u briew uba kham sian u la leit khroh ia ka da kaba
pyni da u syntiew uba ki khot u tiew-ja-lyngkteng. Kumta katno ka briew
ka la wan hajan ba'n kynieh ia uta u syntiew, te uta u briew u nangring
da kaba pynran ia la ka kti khyndiat khyndiat haduh ka'n da mih ha kaba
kham kylluid ka jaka, u sa kem ia ka. Hangta u la wallam sha la ieng,
u ri u sumar bha ia ka, bad hadien-hadien u la shongkurim ia ka. Te
la khot kyrteng ia kata ka briew ka Pah-syntiew, namar ba uta u briew
u ioh kem ia ka da kaba khroh ba pah da u syntiew. Uta u briew u long
uba na Nongjri Bhoi, bad ki jiw khot u Kongor Nongjri ia u. Te ynda
ka la kha ki khun, kynthei bad shynrang, ka la leit phet sha kajuh ka
jaka na kaba u la ioh kem ia ka, bad naduh kata ka por ka'm wan shuh,
la'u tnga ki khun ki leit khot leit pyrta katno-katno ruh. Kita ki
khun ki la nangshait nang sian, bad ki briew ruh, haba ki la bna ia
ka jinglong kaba phylla ka jong ku kmie jong ki, ki la wan khnang na
kylleng ki jaka ba'n khmih ia kita ki khynnah. Te kita ki khynnah ki la
nang shibun ba'n leh rit ba'n leh don akor ha khmat ki tymmen briew,
ki briew ruh baroh ki a ieit ia ki bad ki tharai ba ki long ki khun
Blei. Kumta ki la ia nguh ki la ia dem ia kita ki khynnah bad hadien
kata ka la jia ha ki dohnud kiba khraw-batri, ki tymmen-ki-san ha ka
ri Shillong ban thung Siem ia ki namar ki khynnah ki long kiba la wan
kha da ka briew kaba phylla shibun, kaba imat eh ba ka long ka khun
u Blei Shillong. Te kumta ki la ia kut da ka mon snowbha baroh ba'n
thung Siem ia ki ha ka hima Shillong, bad kumta la long Siem kita ki
khynnah, ki synshah bad ki khot ruh ia ki Siem-Blei-Siem-Shillong.

U Loh Ryndi and Ka Lim Dohkha.

The Syntengs give the following explanation of the origin of Siems
of Suhtnga