tre:
le feu a fait, la haste atorne.
et li vilains tantost s'en torne,
por le prestre s'en va corant.
mais au revenir targa tant
que cuites furent les pertris.
la dame a le haste jus mis,
s'en pinca une peleure,
quar molt ama la lecheure,
quant diex li dona a avoir.
ne beoit pas a grant avoir,
mais a tos ses bons acomplir.
l'une pertris cort envair:
andeus les eles en menjue.
puis est alee en mi la rue
savoir se ses sires venoit.
quant ele venir ne le voit,
tantost arriere s'en retorne,
et le remanant tel atorne
mal du morsel qui remainsist.
adonc s'apenssa et si dist
que l'autre encore mengera.
moult tres bien set qu'ele dira,
s'on li demande que devindrent:
ele dira que li chat vindrent,
quant ele les ot arrier traites;
tost li orent des mains retraites,
et chascuns la seue en porta.

* * * * * *

Tant dura cele demoree
que la dame fu saoulee,
et li vilains ne targa mie:
a l'ostel vint, en haut s'escrie
'diva, sont cuites les pertris?'
'sire,' dist ele. 'aincois va pis,
quar mengies les a li chas.'
li vilains saut isnel le pas,
seure li cort comme enragies.
ja li eust les iex sachies,
quant el crie 'c'est gas, c'est gas.
fuiies,' fet ele, 'Sathanas!
couvertes sont por tenir chaudes.'

(He accepts the excuse; bids her lay the table, and goes to sharpen his
knife. The priest arrives. She tells him that her husband is plotting
outrage against him, and as a proof shows him sharpening his knife. The
priest flies, and she tells her husband that he has run off with the
partridges. The husband pursues, but in vain, and the Fabliau thus
concludes:--)

A l'ostel li vilains retorne,
et lors sa feme en araisone:
'diva,' fait il, 'et quar me dis
coment tu perdis les pertris?'
cele li dist 'se diex m'ait,
tantost que li prestres me vit,
si me pria, se tant l'amasse,
que je les pertris li moustrasse,
quar moult volentiers les verroit
et je le menai la tout droit
ou je les avoie couvertes.
il ot tantost les mains ouvertes,
si les prist et si s'en fui.
mes je gueres ne le sivi,
ains le vous fis moult tost savoir.'
cil respont 'bien pues dire voir
or le laissons a itant estre.'
ainsi fu engingnies le prestre
et Gombaus qui les pertris prist.
par exampl