remaint que
plus ne resgart vers la tor que vers l'eve, ne plaie ne
angoisse qu'il ait ne prise naient; car se il a cele tor
pooit venir il garroit tot maintenant de ses max. Tant s'est
hertiez et trainez qu'il est venuz jusqu'a terre.
This becomes in the poem a passage more than 100 lines long, of which
the beginning and end may be given:--
Le droit chemin vont cheminant,
Tant que li jors vet declinant,
Et vienent au pon de l'espee
Apres none, vers la vespree.
Au pie del' pont, qui molt est max,
Sont descendu de lor chevax,
Et voient l'eve felenesse
Noire et bruiant, roide et espesse,
Tant leide et tant espoantable
Com se fust li fluns au deable;
Et tant perilleuse et parfonde
Qu'il n'est riens nule an tot le monde
S'ele i cheoit, ne fust alee
Ausi com an la mer betee.
Et li ponz qui est an travers
Estoit de toz autres divers,
Qu'ainz tex ne fu ne james n'iert.
Einz ne fu, qui voir m'an requiert,
Si max pont ne si male planche:
D'une espee forbie et blanche
Estoit li ponz sor l'eve froide.
Mes l'espee estoit forz et roide,
Et avoit deus lances de lonc.
De chasque part ot uns grant tronc
Ou l'espee estoit cloffichiee.
Ja nus ne dot que il i chiee.
Porce que ele brist ne ploit.
Si ne sanble-il pas qui la voit
Qu'ele puisse grant fes porter.
Ce feisoit molt desconforter
Les deus chevaliers qui estoient
Avoec le tierz, que il cuidoient
Que dui lyon ou dui liepart
Au chief del' pont de l'autre part
Fussent lie a un perron.
L'eve et li ponz et li lyon
Les metent an itel freor
Que il tranblent tuit de peor.
* * * * * *
Cil ne li sevent plus que dire,
Mes de pitie plore et sopire
Li uns et li autres molt fort.
Et cil de trespasser le gort
Au mialz que il set s'aparoille,
Et fet molt estrange mervoille,
Que ses piez desire et ses mains.
N'iert mie toz antiers ne sains
Quant de l'autre part iert venuz.
Bien s'iert sor l'espee tenuz,
Qui plus estoit tranchanz que fauz,
As mains nues et si deschauz
Que il ne s'est lessiez an pie
Souler ne chauce n'avanpie.
De ce gueres ne s'esmaioit
S'es mains et es piez se plaioit;
Mialz se voloit-il mahaignier
Que cheoir el pont et baignier
An l'eve dont james n'issist.
A la grant dolor con li sist
|