demons frequentent la mer et les eaux douces, et dans icelles, et
causent des naufrages aux navigeans et plusieurs autres maux, et y
apparoissent des phantosmes. Et d'iceux esprits, comme escrit Torquemada,
il s'en void journellement sur la riviere Noire, en Norvege, qui sonnent
des instrumens musicaux et lors cest signe qu'il mourra bien tost quelque
grand du pays. J'ay veu et frequente avec un Espagnol qui par tourmente de
mer fut jette jusques aux mers, qui sont environ les terres du grand Khan
de Tartarie, qu'il a veu souvent en ces regions-la de ces phantosmes tant
sur mer que sur terre, notamment aux grandes solitudes de Mangy et deserts
de Camul, et choses si estranges que je ne les auseroy mettre par escrit,
de peur qu'on ne les voulust croire.
"Quelqu'un pourra objecter qu'il n'est pas vraysemblable que les demons qui
sont aux deserts de Lop, et d'ailleurs appellent les voyageans par leurs
noms, d'autant qu'iceux n'ont organes pour pouvoir parler suivant ce que
Jesus-Christ dit que les esprits n'ont ni chair ni os. Je respon, suivant
en l'opinion de S. Augustin, S. Basile, Coelius Rodigin et Appulee, que les
anges se peuvent former des corps aeriens, de la nature la plus terrestre,
et par le moyen d'iceux parler comme firent ces trois anges qui apparurent
a Abraham. Et l'ange Gabriel, qui annonca la conception de Jesus-Christ a
la Vierge Marie. Et que les demons s'en peuvent aussi forger non pas d'une
matiere si pure, mais plus abjecte.
"J'ay parle d'un monstre chevre-pied qui apparut a sainct Anthoine, que je
pense avoir este engendre par le moyen de Satan, d'autre facon que les
autres demons. Neantmoins il requit ce sainct personnage de prier Dieu pour
luy et pour d'autres monstres habitans ce desert. Son corps n'estoit point
aerien mais charnel, comme ceux des boucs. Il fut prins et mene tout vif en
Alexandrie vingt ans apres, au grand estonnement de tous ceux qui le
virent, et combien qu'on le voulust nourrir curieusement quelques jours
apres sa prise il mourut, et son corps fut sale et embaume et puis porte a
Antioche et presente a Constantin, fils du grand Constantin.
"Lycosthene escrit estre avenu a Rotwille en Alemagne, l'an de grace 1545,
que le diable fut veu en plein midi allant et se pourmenant par la place:
cest ici que les citoyens s'effroyerent, craignans qu'ainsi qu'il avoit
fait ailleurs, il ne bruslast toute la ville. Mais chascun s'estant mis en
devotion de prier Dieu, et ordonner des jeu
|