s:
quapropter et spero, ac propono de reliquo secundum maturiorem aetatem me
posse in proprijs, intendere corporis quieti, animaeque saluti.
Hie itaque finis sit scripti, in nomine Patris, et Filij, et spiritus
sancti, AMEN.
Explicit itinerarium a terra Angliae, in partes Hierosolimitanas, et in
vlteriores transmarinas, editum primo in lingua Gallicana, a Domino
Ioanne Mandeuille milite, suo authore, Anno incarnationis Domini 1355. in
Ciuitate Leodiensi: Et Paulo post in eadem ciuitate, translatum in dictam
formam Latinam.
The English Version.
There ben manye other dyverse contrees and manye other marveyles bezonde,
that I have not seen: wherfore of hem I can not speke propurly, to telle
zou the manere of hem. And also in the contrees where I have ben, ben many
dyversitees of manye wondir fulle thinges, mo thanne I make mencioun of.
For it were to longe thing to devyse zou the manere. And therfore that that
I have devised zou of certeyn contrees, that I have spoken of before, I
beseche zoure worthi and excellent noblesse, that it suffise to zou at this
tyme. For zif that I devysed zou alle that is bezonde the see, another man
peraunter, that wolde peynen him and travaylle his body for to go in to tho
marches, for to encerche tho contrees, myghten ben blamed be my wordes, in
rehercynge many straunge thynges. For he myghten not seye no thing of newe,
in the whiche the hereres myghten haven outher solace or desport or lust or
lykynge in the herynge. For men seyn alle weys, that newe thynges and newe
tydynges ben plesant to here. Wherfore I wole holde me stille, with outen
ony more rehercyng of dyversiteez or of marvaylles, that ben bezonde, to
that entent and ende, that who so wil gon in to the contrees, he schalle
fynde y nowe to speke of, that I have not touched of in no wyse.
And zee schulle undirstonde, zif it lyke zou, that at myn hom comynge, I
cam to Rome, and schewed my lif to oure holy fadir the Pope, and was
assoylled of alle that lay in my conscience, of many a dyverse grevous
poynt: as men mosten nedes, that ben in company, dwellyng amonges so many a
dyverse folk of dyverse secte and of beleeve, as I have ben. And amonges
alle, I schewed hym this tretys, that I had made aftre informacioun of men,
that knewen of thinges, that I had not seen my self; and also of marveyles
and customes, that I hadde seen my self; as fer as God wolde zeve me grace:
and besoughte his holy fadirhode, that my boke m
|