e elle (Schiltach a huit
lieues de Fribourg) a este presque toute bruslee l'an 1533, le jeudy avant
Pasques, et comme cela est advenu, voicy comme on l'a depose veritablement
devant le magistrat, ainsy que je l'ay ouy reciter a Henry Glarean: c'est
que le diable faisant signe en sifflant en quelque certaine maison, du
hault d'icelle, il y eut un hostellier se tenant en icelle qui estimant que
ce fut quelque larron, monta en hault mais n'y trouva personne, et soudain
il oyt le mesme signe plus hault encore que la premiere fois, il y remonte,
pour suivre, et empoigner le larron s'il le trouvoit par cas d'adventure;
mais y estant, il ne voit rien, trop bien entendit-il le sifflet sur le
feste de la cheminee: ce qui lui feit penser que c'estoit quelque illusion
et ruse diabolique, et pour ce il encouragea les siens et feit appeler les
ecclesiastiques: voicy deux prestres arrivez qui font leurs exorcismes et
adjurations, il respond et confesse franchement quel il estoit, et enquis a
quelle fin il estoit la venu ne faignit de respondre que c'estoit pour
bruler toute la susdite ville. Les gens d'eglise se mirent a l'adjurer, et
le menacer, mais il dit qu'il ne craignoit point leurs parolles ny menaces
a cause que l'un d'eux estoit paillard et tous les deux larrons. Peu de
temps apres, il prit et porta sur la cheminee une femme avec laquelle il
avoit hante l'espace de quatorze ans, quoyque tous les ans elle allast a
confesse et receut le sainct sacrement, a laquelle il mit en main un pot a
feu, et luy commande de l'espandre. Cas merveilleux, elle l'espand, et tout
sur l'heure, toute la ville fut arse et reduite en cendres, par le fait du
diable, s'aidant du ministere de cette sorciere, et laquelle fut depuis
aussi bruslee."
Camerarius[1] ajoute a propos de l'incendie diabolique de Sciltac ou
Schiltach que "le feu tomboit ca et la sur les maisons, en forme de boulets
enflammez, et quand quelques-uns couroyent pour aider a esteindre
l'embrasement chez leurs voisins, on les rappelloit incontinent pour
secourir leurs propres maisons. On eut toutes les peines du monde a
empescher qu'un chasteau basti de pierre de taille, et assez loin de la
ville ne fust consomme de cest embrasement. J'ay entendu les particularitez
de cette terrible visitation de la bouche propre du cure du lieu et
d'autres habitans dignes de foy, qui avoyent ete spectateurs de tout. Le
cure me racontoit que ce malin et cruel esprit contrefaisoit au naturel les
chan
|