er via piedo.

13. Sur leopardon kaj vipuron vi pasxos, vi piedpremos
leonon kaj drakon.

14. Cxar li ekamis Min, tial Mi lin savos; Mi defendos
lin, cxar li konas Mian nomon.

15. Li vokos Min, kaj Mi lin auxskultos; kun li Mi
estos en mizero; Mi lin liberigos kaj honoratigos.

16. Mi satigos lin per longa vivo kaj aperigos al li Mian
helpon.

PSALMO XCVI.

1. Kantu al Dio novan kanton, kantu al Dio la tuta tero.

2. Kantu al Dio, gloru Lian nomon, proklamu de tago al tago
Lian savon.

3. Rakontu inter la popoloj Lian gloron inter cxiuj
gentoj Liajn miraklojn.

4. Cxar Dio estas granda kaj tre glorinda, Li estas
terura por cxiuj dioj.

5. Cxar cxiuj dioj de la popoloj estas idoloj,
sed Dio kreis la cxielon.

6. Gloro kaj majesto estas antaux Li, forto kaj beleco
estas en Lia sanktejo.

7. Tributu al Dio, familioj de la popoloj; tributu al Dio
gloron kaj potencon.

8. Tributu al Dio honoron de Lia nomo, alportu donacon kaj
venu en Liajn kortojn.

9. Klinigxu al Dio en sankta respekto; tremu
antaux Li la tuta tero.

10. Diru inter la popoloi: Dio regxas, kaj Li
fortikigis la mondon, ke gxi ne
sxanceligxu; Li jugxas la popolojn en
justeco.

11. Gxoju la cxielo kaj estu gaja la tero, bruu
la maro kaj cxio, kio gxin plenigas.

12. Gxoju la kampo ka] cxio, kio estas sur
gxi; tiam kantu cxiuj arboj de la arbaro.

13. antaux Dio, cxar Li venas, cxar Li
venas, por jugxi la teron; Li jugxos la mondon
kun justeco kaj la popolojn kun Sia fideleco.

PSALMO XCIX.

1. Dio regxas: tremas la popoloj; Li sidas sur
keruboj, sxanceligxas la tero.

2. Dio estas granda en Ciono, kaj Li estas alte super
cxiuj popoloj.

3. Oni gloru Vian grandan kaj timindan nomon: Li estas
sankta.

4. Kaj la forton de la regxo, kiu amas justecon, Vi
fortikigis en praveco; jugxon kaj justecon en Jakobo
Vi aransxis.

5. Altigu la Eternulon, nian Dion, kaj klinigxu
antaux la benketo de Liaj piedoj; Li estas sankta.

6. Moseo kaj Aarono estas inter Liaj pastroj, kaj Samuelo
estas inter tiuj, kiuj vokas Lian nomon; ili vokis al Dio,
kaj Li ilin auxskultis.

7. El nuba kolono Li parolis al ili; ili observis Liajn
regulojn kaj la legxon, kiun Li donis al ili.

8. Eternulo, nia Dio, Vi ilin auxskultis; Vi estis por
ili Dio pardonanta kaj vengxanto por iliaj faroj.

9. Altigu la Eternulon, nian Dion, kaj klinigxu
antaux Lia sankta monto; cxar sankta estas la
Eternulo, nia Dio.

PSALMO CIII.