5. De malantauxe kaj de antauxe Vi
cxirkaubaris min kaj metis sur min Vian manon.
6. Mirinda estas por mi tia sciado, tro alta, mi gxin
ne povas kompreni.
7. Kien mi iros for de Via spirito, kaj kien mi kuros for de
Via vizagxo?
8. Se mi levigxos al la cxielo, Vi estas tie; se
mi kusxigxos en abismo, jen Vi tie estas.
9. Cxu mi okupos la flugilojn de la matenrugxo,
cxu mi logxigxos sur la rando de la maro,
10. ankaux tie Via mano min kondukos kaj Via dekstra
mano min tenos.
11. Se mi diros: mallumo min kasxos,--la
nokto farigxos lumo cxirkaux mi.
12. Ecx mallumo ne mallumas antaux Vi, kaj la
nokto lumas kiel tago; mallumo farigxas kiel lumo.
13. Cxar Vi kreis mian internajxon, formis min
en la ventro de mia patrino.
14. Mi gloras Vin, cxar mi estas mirinde kreita;
mirinda estas Viaj kreitajxoj, kaj mia animo tion bone
konscias.
15. Ne estis kasxitaj antaux Vi miajx
ostoj, kiam mi estis kreata en kasxiteco, kiam mi
estis formata en la profundo de la tero.
16. Mian embrion vidis Viaj okuloj, kaj en Via libro estis
enskribitaj cxiuj tagoj kreotaj, kiam ankoraux
ecx unu ne ekzistis.
17. Kiel grandvaloraj estas por mi Viaj pensoj, ho Dio, kiel
granda estas ilia nombro!
18. Se mi ilin kalkulus, ili estus pli multaj ol la sablo;
kiam mi vekigxas, mi estas ankoraux kun Vi.
19. Mortigu, ho Dio, la malvirtulon, kaj sangaviduloj
forigxu de mi!
20. Ili parolas pri Vi malice kaj Viaj malamikoj
levigxas por trompo.
21. Viajn malamantojn, ho Dio, mi ja malamas, kaj Viajn
kontrauxulojn mi abomenas.
22. Por ekstrema malamo mi ilin malamas; ili farigxis
por mi malamikoj.
23. Esploru min, Dio, kaj konu mian koron; provu min kaj
sciu miajn pensojn.
24. Kaj rigardu, cxu mi estas sur malbona vojo, kaj
gvidu min sur la vojo de eterneco.
PSALMO CXLVI.
1. Haleluja. Gloru, mia animo, Dion.
2. Mi gloros Dion en la dauxro de mia tuta vivo, mi
kantos al Li tiel longe, kiel mi estos.
3. Ne fidu eminentulojn, homidon, kiu ne povas helpi.
4. Eliras lia spirito, li reiras en sian teron, kaj en tiu
tago neniigxas cxiuj liaj intencoj.
5. Bone estas al tiu, kies helpo estas la Dio de Jakobo, kiu
esperas al la Eternulo, lia Dio,
6. kiu kreis la cxielon kaj la teron, la maron kaj
cxion, kio estas en ili, kiu gardas la veron eterne;
7. kiu faras justecon al la maljuste suferantaj, donas panon
al la malsataj. Dio liberigas la malliberulojn;
8. Dio malfermas la okulojn al la
|