asins fu mis en prison si com vos aves, oi et entendu, et
Nicolete fu d'autre part en le canbre. Ce fu el tans d'este,
el mois de mai, que li jor sont caut, lonc et cler, et les
nuis coies et series. Nicolete jut une nuit en son lit, si
vit la lune luire cler par une fenestre, et si oi le
lorseilnol canter en garding, se li sovint d'Aucasin son ami
qu'ele tant amoit. ele se comenca a porpenser del conte
Garin de Biaucaire qui de mort le haoit; si se pensa qu'ele
ne remanroit plus ilec, que s'ele estoit acusee et li quens
Garins le savoit, il le feroit de male mort morir. ele senti
que li vielle dormoit qui aveuc li estoit. ele se leva, si
vesti un bliaut de drap de soie que ele avoit molt bon; si
prist dras de lit et touailes, si noua l'un a l'autre, si
fist une corde si longe conme ele pot, si le noua au piler
de le fenestre, si s'avala contreval le gardin, et prist se
vesture a l'une main devant et a l'autre deriere; si
s'escorca por le rousee qu'ele vit grande sor l'erbe, si
s'en ala aval le gardin. Ele avoit les caviaus blons et
menus recerceles, et les ex vairs et rians, et le face
traitice et le nes haut et bien assis, et les levretes
vermelletes plus que n'est cerisse ne rose el tans d'este,
et les dens blans et menus, et avoit les mameletes dures qui
li souslevoient sa vesteure ausi com ce fuissent II nois
gauges, et estoit graille parmi les flans, qu'en vos dex
mains le peuscies enclorre; et les flors des margerites
qu'ele ronpoit as ortex de ses pies, qui li gissoient sor le
menuisse du pie par deseure, estoient droites noires avers
ses pies et ses ganbes, tant par estoit blance la mescinete.
Ele vint au postic; si le deffrema, si s'en isci par mi les
rues de Biaucaire par devers l'onbre, ear la lune luisoit
molt clere, et erra tant qu'ele vint a le tor u ses amis
estoit. Li tors estoit faele de lius en lius, et ele se
quatist deles l'un des pilers. si s'estraint en son mantel,
si mist sen cief par mi une creveure de la tor qui vielle
estoit et anciienne, si oi Aucasin qui la dedens pleuroit et
faisoit mot grant dol et regretoit se douce amie que tant
amoit. et quant ele l'ot asses escoute, si comenca a dire.

ALAIN CHARTIER.

La court, affin que tu l'entendes, est ung couvent de gens
qui soubz faintise du bien commun