bitayan,
sa pagsintang lubos sa tinubuang bayan.

Sila't hindi iba m~ga sacsing tapat,
unang "monumento" ng pagpapahamac
niyong m~ga fraile sa cainguitang caguiat
n~g dunong at yaman tubong Filipinas.

Sila namang tunay ang unang larauan
na dapat tularan nating calahatan
sa pag-uusig n~ga n~g caguinhauahan
nitong ating bayang lagui sa ligamgam.

Caya ang marapat, oh m~ga capatid:
silang m~ga "Martir" alalahaning tiquis,
huag lilimutin laguing isa-isip
alang-alang baga sa m~ga sinapit.

Gayon din naman sa cailan pa man
dapat casuclaman ... m~ga fraileng tanan
na nagcucunuari "Ministrong" maran~gal
"n~g Dios na Poon", bago'y m~ga hunghang.

Caya ang mabuti ay tularang lubos
m~ga halimbaua ni na Padre Burgos,
Gomez at Zamora na pauang tagalog
sa tinubuang bayan marunong umirog.

Sa baua't may nasang ibig na bumatid
n~g canilang buhay tunay na sinapit
basahing tuluyan pagtiagaang tiquis
cusang ipatuloy itong natititic.

Bahala na sana inyong camahalan
mag lapat nang ganap sa labis at culang
sa baua't talatang inyong matagpuan
uari'y nalilihis doon sa catuiran.

N~guni't ang samo co bago mo punahin
ang lihis sa uari, maiguing linin~gin
maca ca sacali naman na malinsil
sa daang casamaan malagos na tambing.

Cung magcacagayon ang pasasalamat
sa camahalan mo aquing iguinagauad
at mag-utos naman sa lahat nang oras
sa laang capatid na casuyong tapat.

=Honorio Lopez.=

=ANG TUNAY NA BUHAY

NI

Dr. JOSE BURGOS, Pbro.=

AT NANG MAN~GA CASAMA.

PUNO NANG SALITA

Sa bayan n~g Vigan daraquilang ciudad
Fernandinang sacdal sagana sa galac
sa buong Iloco na ualang catulad
doon naguing tauo si Burgos na hayag.

Taong isang libo ualong daang tunay
apat na puo't dalua siyang cabilan~gan
nang siya'y ianac nang inang hinirang
may tacot sa Dios, mabuting magmahal.

Siya'y na-uucol sa isang "familia"
na iguinagalang natatan~gi baga
sa buting ugali at gauang maganda
sa ciudad na yaong mayaman sa saya.

Mulang camusmusan nitong ating Burgos
sa bait na taglay uala nang aayos
gayon din sa talas nang isip na impoc,
caya't maaga siyang pinaturuang lubos.

Hindi nalaunan caniyang pag-aaral
naisipan n~gani nang m~ga magulang
dito sa Maynila iluas na tunay
upang pag-aralin sa San Juan de Letran.

Caya iniluas itinuloy muna
sa bahay nang canyang t