nang fraileng si Rufian putoc na narin~gig
dito sa Maynila ay paghihimagsic
man~ga taga rito cay Burgos na cabig.

Ang man~ga marino sampuong infanteria
man~ga artillerong nasa sa muralla
na pauang tagalog dito sumunod na
na naquigalao din sa jornal sumama.

Dito si Lamadrid sargentong ilongo
hindi nagpabaya't agad sumaclolo
pinatay ang puno pauang castellano
ang gradong teniente nilagay na rito.

Sina Montesino at Morquecho naman
lumagay sa lugar sumanib sa caual
caya't pinaghati ang fuerzas na tanan
saca namiyapis nang ualang cabagay.

Caya ang putucan nang canon at baril
sa boong magdamag hindi nagtitiguil
natalacsang bangcay di maipagturing
nang man~ga castila't tagalog na tambing.

Gobernador Roxas mabuti na lamang
agad nacatacas at hindi napatay
caya't nacuha pa sa acay na caual
ni coronel Sawa cusang naquipisan.

Sila'y nagsihanay hangang umumaga
sa calle principal niyaong Porto Vaga
na naquiquisagot sa putucan baga
nang naghihimagsic na aquing binadya.

At caracaraca siya'y nagpa-atas
cay Izquierdong hayag n~g isang calatas
ang bagay na ito'y ipinatalastas
upang sila doon abuluyang cagyat.

Nang ito'y matanto nitong si Izquierdo
sumubo ang galit na di mamagcano
caya capagdaca ang tanang sundalo
dito sa Maynila ay pinasaclolo.

Ang segundo cabong general Espinar
ay siyang umacay sa dinalang caual
pauang voluntario cubano n~gang tunay
ang iba'y castila't tagalog din naman.

Silang calahatan nagsilulang cagyat
sa man~ga vapores na hindi nagluat
at doon huminto na cusang sumadsad
sa Puerto nang Tan~guay na ualang bagabag.

Nang sa Kabite n~ga sila'y magsidating
general Espinar nag-utos na tambing
na aniya't panhiqui't agad salacayin
ang muog na yaong ualang macahambing.

At ang baua't doo'y inyong maabutan
babaye ma't bata ay pataying tanan
huag paligtasin ang sino't alin man
tungcol filipino naguing cautusan.

Ang utos na ito ay biglang sinunod
nang lahat nang caual na pauang cubanos
caya naman dito ang man~ga tagalog
cusang nagpaquita nang tapang na impoc.

Ang pagpapatayan sabihin pa baga
dugo'y umaagos batis ang capara
bangcay natalacsan sa guitna nang plaza
niyaong Porto Vaga gayong pagbabaca.

N~guni't sa dayucdoc at quinamtang puyat
nang man~ga tagalog sa boong magdamag
quinulang nang palad caya't napahamac
sila ay nag