at isang oficial saca isang cabo
at may m~ga hauac isang crucifijo.
Nang sila'y dumating sa laang bitayan
sila'y inahinto saca binasahan
nang bunying sentenciang sila'y mamamatay
cusang bibitayin sa salang quinamtan.
Matapos mabasa ang sentenciang titic
ang nadayang Zaldua unang ipinanhic
doon sa bitayan at inaupong tiquis
saca yaong liig ay cusang inipit.
Si Padre Zamora ang siyang sumunod
si Padre Gomez naman ang icatlong puspos
na cusang tumutol hangang sa matapos
ang hinin~gang ibig sa m~ga balaquiot.
Bilang na icapat at huling binitay
ay si Doctor Burgos na di nagulat man
nagturing sa harap nang caniyang calaban
aniya; _iMiserables!_ cayong fraileng tanan.
Saca nang maupo sa uupang cagyat
tumin~gin sa lan~git sa Dios tumauag
_iPoon co, Ina co, caloloua co'y tangap
nang camahalan mo't ito'y di co tatap!_
Nang masabi ito panaho'y nagdilim
at parang naglucsa ang lan~git na tabing
sucat isang sinag sa Arao na ningning
ang siyang tumitig sa apat na MARTIR.
Ang tanang nanood na m~ga tagalog
pauang lumuluha sa quinamtang lungcot
caya ang iba n~ga naglucsang tibobos
bilang na pagdamay sa m~ga natapos.
Nang ito'y mangyari ay nagsi-ouing lahat
yaong m~ga fraile masaya't magalac
baga ma't ang sindac sa dibdib namugad
hindi ini-ino niyaong man~ga sucab.
Di naman nalaon ang apat na bangcay
nitong ualang palad ay quinuhang tunay
nang carro funebre nang bunying Hospital
ni San Juan de Dios cusang nalalaan.
Saca n~ga dinala tunay inihatid
niyaong sa Hermandad Misericordiang tiquis
sa Pacong libin~gan cusang nalilibid
nang Caballeria't sundalong maquisig.
Hangang nilalacad nagsunod-sunoran
ang maraming tauo hangang sa libin~gan
at ualang usapan na bulong-bulon~gan
cundi ang sa fraile na man~ga casaman.
Sucat hangang dito ititiguil co na
itong pag-aauit nang aba cong _Musa_
yamang natanto na guilio cong nanasa
ang abang sinapit nitong apat baga.
Ang hiling co lamang huag lilimutin
sa cailan pa man ualang pagmamalio
n~g m~ga KAPATID abang m~ga MARTIR
sa tinubuang lupa (PATRIANG) guiniguilio.
At cung mangyayari atin pang alayan
sa taon-taon n~ga isang capistahan
bilang pa ala-ala sa canilang tanan
touing 28 N~G FEBRERONG buan.
Para baga naman ating guinagaua
cung cusang nadating arao na mistula
n~g _pagcacabaril_ sa MAPAGPALAYA
nit
|