la stenografio cxiuj gazetoj en la
sekvanta tago ripetis cxion tion cxi kun plej plena precizeco. Mi diros
nur, ke la teksto de cxio legita kaj kantita kun la traduko en diversaj
euxropaj lingvoj estis senkalkule disdonata al la volanta publiko, dank'
al kio tie cxio kaj al cxiuj estis komprenebla.... La fino inde kronis la
belege ekpensitan de Karolino aferon. Kiam en la lasta numero du hxoroj
kaj orkestro ree okupis siajn lokojn antaux la busto de la kreinto de nia
lingvo, sub la multkolora tendo el vivaj, malsekigataj per fontanoj,
kreskajxoj kaj floroj,--la ekelektrigita per cxio antauxira publiko,
malgraux ke duono konsistis el homoj, nededicxitaj ankoraux en nian
aferon, per konsenta, plena de ravo hxoro ekkantis la himnon "Espero" kaj
ekmontris tian animitecon, tian altan moralan humoron, ke en multaj okuloj
ekbrilis briliantoj de larmoj de gxojo kaj kortusxeco. La homoj, fremdaj
gxis tiu cxi tempo unu al alia, premadis al si la manojn, jxetigxadis
reciproke en cxirkauxprenojn; multaj tuj tie cxi butonumadis al sia brusto
la esperantajn stelojn; multaj portadis al la iniciatoro de la
soleno--s-ro Marei--siajn oferojn por nia afero.... Elizo kaj Karolino,
superante cxiujn frauxlinojn per sia beleco kaj gracieco, kun ensorcxantaj
ridetoj alprenadis cxiujn tiujn cxi alportojn kaj tuj tie cxi disdonadis
al la novaj esperantistoj la stelojn, ringojn, esperantajn cxirkauxmanojn,
verdajn bandojn k.c. Entute tio cxi estis majesta, levanta spiriton
pentrajxo, al kia similan mi gxis nun ne vidis.... Vespere en tiu cxi sama
salono estis granda balo. Laux pli antauxe verkita programo la plimulto da
esperantistoj kaj esperantistinoj aperis en diversaj naciaj kostumoj.
Belege estis vidi la portigxintajn en la ondoj de la muziko parojn,
kunmetitajn el la reprezentantoj kaj reprezentantinoj de la klasika
Italujo, floranta Hispanujo, severa Norvegujo, mirinda Hindujo, militema
Germanujo, varmega Egiptujo, majesta Rusujo k.c.--sed por vi, mia amiko,
la cxefa konsistas en la sekvanto.

Karolino estis vestita kiel korsikanino; tiu cxi kostumo tiel estis
konforma al sxia klasika belega profilo, ke sxi decide superis cxiujn
atendojn. Jxan Jxoli la tutan vesperon cxirkauxflirtadis sxin kaj
kondukadis sian aferon tiel malkasxite, ke li turnis sur sin universalan
atenton. Kio tusxas Karolinon, sxia konduto (mi tutan tempon observadis
sxin) estis treege enigma. Ne forigante de si Jxanon, sxi tamen ne sxajnis
tute kontenta de li kaj cxiam