amiko! Hodiaux
matene mia kara Mario naskis al mi tre belan malgrandan esperantisteton.
Gxis la kvina jaro de sia vivo li auxdos nenian lingvon krom Esperanto. Al
Esperanto li dankas sian naskigxon, tiel same kiel mi al Esperanto dankas
mian senfinan felicxon, kiun mi neniam akirus, se ne la lingvo Esperanto
kaj via ruzo, kiun mi en unu horo de kolero malbenis kaj kiun mi de tiam
cxiutage benas el la tuta koro. Venu al ni, por rigardi la novan
esperantisteton kaj partopreni en nia gxojo. Vivu Esperanto!

------------------

Nun ni devas klarigi al niaj legantoj la enigmon. La legantoj memoras, ke
laux la komisio de Cxielson Siksten decidis iam altiri Monbleron al
Esperanto, sed neniel povis tion cxi atingi. Li plendis tion cxi al
Cxielson.

--Eble vi ne agas lerte? eble alia persono farus tion cxi pli bone?
demandis Cxielson.

--Jam alia persono provis, kaj la rezultato estis ankoraux pli plendinda
ol cxe mi. Monblero amis varme unu frauxlinon, kiu efektive estis tute
inda je lia amo. Oni povus antauxdiri, ke ili ambaux prezentos iam tre
felicxan edzan paron. Farigxinte esperantistino, tiu cxi frauxlino
komencis altiradi ankoraux Monbleron al Esperanto; sed kiam li vidis, ke
sxi estas esperantistino, li baldaux malvarmigxis por sxi, kaj nun iliaj
reciprokaj rilatoj tute interrompigxis.

--Cxu Monblero amis sxin efektive? Cxu li estas kapabla ami profunde kaj
cxu vi pensas, ke en cxiuj rilatoj, krom Esperanto, li estus felicxa kun
sxi?

--Jes, nenio alia konfuzus ilian reciprokan felicxon. Li ecx mem
bedauxris, ke "tia bagatelo kiel Esperanto" forpelis lian felicxon, sed li
estas tro fiera, por cedi.

--Cxu vi pensas, ke li neniam povus ami Esperanton?

--Ne, mi estas ecx konvinkita, ke li povus esti tre varma esperantisto,
se.... se ni nur povus rompi lian obstinecon kaj fierecon kaj inklinigi
lin fari la _komencon_. Se li unu fojon _farigxos_ esperantisto, li estos
jam cxiam esperantisto _varmega_.

--Ha, tre bone! Cxio estos farita! Per unu senkulpa ruzo ni atingos, ke
Monblero farigxos esperantisto kaj la disigitaj gefiancxoj estos denove
kunigitaj. Lasu min agi kaj faru cxion, kion mi diros al vi....

Ni scias jam, en kia maniero Cxielson per helpo de Siksten ekinteresigis
Monbleron por Esperanto kaj devigis lin rompi sian obstinecon. Kiam
Monblero venis en la bienon de Marei kaj vidis, ke li estas trompita, li
forte ekkoleris. Sed kiam li subite ekvidis tie sian jam longe