eble laux la
ordono de Cxielson ekuzis tiun cxi lian rememoron. Nun, kiam la okuloj
malkovrigxis, li ne povis kompreni, kiel li ne vidis la tutan artecon de
la fablo, verkita de Siksten; kiel li ne vidis tion, ke nenia Karolino
volus sxangxi la belegan partion kontraux nekonata homo, vidita de sxi
du-tri fojojn en strato antaux kelkaj jaroj; kiel ne turnis li la atenton,
ke la priskriboj de gazetoj pri la Esperanta balo tre malmulte estis
similaj al la komunikoj de l' juristo, ke ekzemple la nomo de s-ro Marei
ne estis dirita ecx en unu gazeto k.t.p. La tuta falso estis nun kvazaux
sur la manplato, kaj gxis nun li vivis kvazaux kun kovritaj okuloj en ia
sorcxita mondo.
La suno jam proksimigxis al la horizonto; en la cxambron alportadis sin
malseka, parfuma bonodoro de sovagxaj floroj, sed la kuracisto ne
rimarkadis tion cxi, dauxrigante sidi senmove sur la antauxa loko kun la
okuloj, direktitaj sur la kusxantan apud liaj piedoj ekcxifitan stelon.
Malfacile estus imagi al si pli grandan malamikon de Esperanto, ol estis
nun Monblero. La propagando de Auxgusto, komencita bone, alkondukis, dank'
al lia mallerteco, al la plej malgxojaj rezultatoj kaj por eterne pereigus
la kuraciston por Esperanto, se ne unu okazo, tiu cxi granda kreisto de la
plej felicxaj iafoje kombinoj de nia vivo.
Monblero estis subite vekita per ia neatendita bruado en la korto. Iu
subveturis al la parko; auxdigxis ree la maltrankviligita vocxo de la
gxardenisto; iu eniris en la antauxcxambron....
--Tio cxi estas la malnoblulo Siksten--ekflugis en la kapo de la
kuracisto; lia sango ekbolis; li premis la pugnojn kaj iris al la
pordo.... Sed sur la sojlo aperis ia cxarma ekzistajxo. La malrektaj
radioj de la subiranta suno per hela ventumilo lumigis la mirindan
vizagxon de la nekonatulino, sxian belege skizitan talion, sxiajn nigrajn
okuletojn kaj rozajn malgrandajn manetojn....
Tio cxi estis la nova posedantino de la bieno de s-ro Marei.
--Cxu vi esperas, sinjoro?--eksonis la metala vocxo de la alveninta.
--Ho jes, sinjorino.... mi.... mi varme esperas! ekmurmuris la ensorcxita
Monblero kaj repusxigxis konfuzita posten, por kovri per si sian cxifitan
stelon....
------------------
Post kvar tagoj la kuracisto kaj la frauxlino Mario (la nova posedantino
de la bieno de Marei) estis felicxaj gefiancxoj....
------------------
Post 15 monatoj Monblero skribis al Siksten: "Plej kara
|