mur. [4697]Apud Asianos, Turcas, Italos, nunquam frequentius
hoc quam hodierno die vitium; Diana Romanorum Sodomia; officinae horum
alicubi apud Turcas,--"qui saxis semina mandant"--arenas arantes; et
frequentes querelae, etiam inter ipsos conjuges hac de re, "quae virorum
concubitum illicitum calceo in oppositam partem verso magistratui
indicant"; nullum apud Italos familiare magis peccatum, qui et post
[4698]Lucianum et [4699]Tatium, scriptis voluminibis defendunt. Johannes de
la Casa, Beventinus Episcopus, divinum opus vocat, suave scelus, adeoque
jactat, se non alia, usum Venere. Nihil usitatius apud monachos,
Cardinales, sacrificulos, etiam [4700]furor hic ad mortem, ad insaniam.
[4701]Angelus Politianus, ob pueri amorem, violentas sibi inanus injecit.
Et horrendum sane dictu, quantum apud nos patrum memoria, scelus
detestandum hoc saevierit! Quum enim Anno 1538. "prudentissimus Rex
Henricus Octavus cucullatorum coenobia, et sacrificorum collegia,
votariorum, per venerabiles legum Doctores Thomam Leum, Richardum Laytonum
visitari fecerat, &c., tanto numero reperti sunt apud eos scortatores,
cinaedi, ganeones, paedicones, puerarii, paederastae, Sodomitae",
([4702]Balei verbis utor) "Ganimedes, &c. ut in unoquoque eorum novam
credideris Gomorrham". Sed vide si lubet eorundem Catalogum apud eundem
Balcum; "Puellae" (inquit) "in lectis dormire non poterant ob fratres
necromanticos". Haec si apud votarios, monachos, sanctos scilicet
homunciones, quid in foro, quid in aula factum suspiceris? quid apud
nobiles, quid inter fornices, quam non foeditatem, quam non spurcitiem?
Sileo interim turpes illas, et ne nominandas quidem monachorum [4703]
mastrupationes, masturbatores. [4704]Rodericus a Castro vocat, tum et eos
qui se invicem ad Venerem excitandam flagris caedunt, Spintrias, Succubas,
Ambubeias, et lasciviente lumbo Tribades illas mulierculas, quae se invicem
fricant, et praeter Eunuchos etiam ad Venerem explendam, artificiosa illa
veretra habent. Immo quod magis mirere, faemina foeminam Constantinopoli
non ita pridem deperiit, ausa rem plane incredibilem, mutato cultu mentita
virum de nuptiis sermonem init, et brevi nupta est: sed authorem ipsum
consule, Busbequium. Omitto [4705]Salanarios illos Egyptiacos, qui cum
formosarum cadaveribus concumbunt; et eorum vesanam libidinem, qui etiam
idola et imagines depereunt. Nota est fabula Pigmalionis apud
[4706]Ovidium; Mundi et Paulini apud Aegesippum _belli Jud. lib. 2. cap.