go to the Indies, my Mary,
And leave auld Scotia's shore?
Will ye go to the Indies, my Mary,
Across the Atlantic's roar?

O sweet grows the lime and the orange,
And the apple on the pine;
But a' the charms o' the Indies
Can never equal thine.

I hae sworn by the Heavens to my Mary,
I hae sworn by the Heavens to be true;
And sae may the Heavens forget me,
When I forget my vow!

O plight me your faith, my Mary,
And plight me your lily-white hand;
O plight me your faith, my Mary,
Before I leave Scotia's strand.

We hae plighted our troth, my Mary,
In mutual affection to join;
And curst be the cause that shall part us!
The hour, and the moment o' time!

THE GLOOMY NIGHT

The gloomy night is gathering fast,
Loud roars the wild inconstant blast,
Yon murky cloud is foul with rain,
I see it driving o'er the plain;
The hunter now has left the moor,
The scatter'd coveys meet secure,
While here I wander, prest with care,
Along the lonely banks of Ayr.

The Autumn mourns her ripening corn
By early Winter's ravage torn;
Across her placid azure sky,
She sees the scowling tempest fly:
Chill runs my blood to hear it rave,
I think upon the stormy wave,
Where many a danger I must dare,
Far from the bonnie banks of Ayr.

'Tis not the surging billow's roar,
'Tis not that fatal, deadly shore;
Tho' death in ev'ry shape appear,
The wretched have no more to fear:
But round my heart the ties are bound,
That heart transpierc'd with many a wound:
These bleed afresh, those ties I tear,
To leave the bonnie banks of Ayr.

Farewell, old Coila's hills and dales,
Her heathy moors and winding vales;
The scenes where wretched fancy roves,
Pursuing past unhappy loves!
Farewell, my friends! Farewell, my foes!
My peace with these, my love with those;
The bursting tears my heart declare,
Farewell, my bonnie banks of Ayr!

ON A SCOTCH BARD, GONE TO THE WEST INDIES

A' ye wha live by sowps o' drink, [sups]
A' ye wha live by crambo-clink, [rhyme]
A' ye wha live an' never think,
Come mourn wi' me!
Our billie's gi'en us a' a jink, [fellow, the slip]
An' owre the sea