were in yon muir,
Amang the heather, in my plaidie,
Yet happy, happy would I be,
Had I my dear Montgomerie's Peggy.

When o'er the hill beat surly storms,
And winter nights were dark and rainy,
I'd seek some dell, and in my arms
I'd shelter dear Montgomerie's Peggy.

Were I a Baron proud and high,
And horse and servants waiting ready,
Then a' 't wad gie o' joy to me, [it would give]
The sharin't wi' Montgomerie's Peggy.

THE LEA-RIG

When o'er the hill the eastern star
Tells bughtin-time is near, my jo; [folding-]
And owsen frae the furrow'd field [oxen]
Return sae dowf and wearie O; [dull]
Down by the burn, where scented birks
Wi' dew are hanging clear, my jo, [sweetheart]
I'll meet thee on the lea-rig, [grassy ridge]
My ain kind dearie O. [own]

In mirkest glen, at midnight hour, [darkest]
I'd rove, and ne'er be eerie O, [scared]
If thro' that glen I gaed to thee, [went]
My ain kind dearie O.
Altho' the night were ne'er sae wild,
And I were ne'er sae wearie O,
I'd meet thee on the lea-rig,
My ain kind dearie O.

The hunter lo'es the morning sun, [loves]
To rouse the mountain deer, my jo;
At noon the fisher takes the glen,
Along the burn to steer, my jo;
Gie me the hour o' gloamin grey [twilight]
It maks my heart sae cheery O,
To meet thee on the lea-rig,
My ain kind dearie O.

AULD ROB MORRIS

There's auld Rob Morris that wons in yon glen, [dwells]
He's the king o' gude fellows and wale of auld men; [pick]
He has gowd in his coffers, he has owsen and kine, [gold, oxen]
And ae bonnie lassie, his dautie and mine. [one, darling]

She's fresh as the morning, the fairest in May;
She's sweet as the ev'ning amang the new hay;
As blythe and as artless as the lambs on the lea,
And dear to my heart as the light to my e'e.

But oh! she's an heiress, auld Robin's a laird,
And my daddie has nought but a cot-house and yard; [garden]
A wooer like me maunna hope to