-land, (in to the
which war many faythfull men,) was that same day returned from the
Bordour; who understanding the mater to procead from the malice of the
Preastis, assembled thame selfis together, and maid passage to thame
selfis, till thei came to the verray prevey chalmer, whare the Quein
Regent and the Bischoppes war. The Gentilmen begane to complane upoun
thare strange intertenement, considdering that hir Grace had found into
thame so faithfull obedience in all thingis lauchfull. Whill that the
Quein begane to craft, a zelous and a bold man, James Chalmeris of
Gaitgyrth,[678] said, "Madame, we know that this is the malice and
devise of thei Jefwellis, and of that Bastard, (meanyng the Bischope of
Sanctandrois,) that standis by yow: We avow to God we shall maik ane day
of it. Thei oppresse us and our tennantis for feading of thare idill
bellyes: thei truble our preacheris, and wold murther thame and us:
Shall we suffer this any longare? Na, Madame: It shall nott be." And
tharewith everie man putt on his steill bonet. Thare was hard nothing of
the Quenis parte but "My joyes, my hartes, what ailes yow? Me[679]
meanes no evill to yow nor to your preachearis. The Bischoppes shall do
yow no wrong. Ye ar all my loving subjectes. Me knew nathing of this
proclamatioun. The day of your preachearis shalbe discharged, and me
will hear the controversie that is betuix the Bischoppes and yow. Thei
shall do yow no wrong. My Lordis," said she to the Bischoppes, "I forbid
yow eyther to truble thame or thare preachearis." [SN: O CRAFTY
FLATTERAR!] And unto the gentilmen who war wonderouslye commoved, she
turned agane, and said, "O my heartis, should ye nott love the Lord your
God with all your harte, with all your mynd? and should ye nott luif
your nychtbouris as your selfis?" With these and the lyik fair wordis,
she keapt the Bischoppes from buffattis at that tyme.

[SN: THE COMMAND OF THE BISCHOPPIS.]

And so the day of summondis being discharged, begane the brethrein
universallie to be farther encoraged. But yit could the Bischoppes in no
sorte be qwyet; for Sanct Geillis day approcheing, thei gave charge to
the Provest, Baillies, and Counsall of Edinburgh, eyther to gett agane
the ald Sanct Geile, or ellis upoun thaire expenssis to maik ane new
image. [SN: THE ANSWER OF EDINBURGH.] The Counsall answered, "That to
thame the charge appeired verray injust; for thei understood that God in
some plaices had commanded idolles and imag