name,)
nother know we any spot towardis our Princess and hir dew
obedience. And yf thare be offence towardis God, he is mercifull to
remitt our offences; for "He will not the death of a synnar." Lyik
as, it standis in his Omnipotent power to maik up housses, to
continew the samyn, to alter thame, to maik thame small or great,
or to extinguish thame, according to his awin inscrutable wisedome;
for in exalting, depressing, and changeing of houssis, the laude
and praise most be gevin to that ane eternall God, in whais hand
the same standis.

2. The Secound Article bearis the great affectioun and love your
Lordschip bearis towardis me and my House; and of the ardent desyre
ye have of the perpetuall standing thairof in honour and fame, with
all thame that is cuming of it.

[ANSWER.]--Forsuyth, it is your dewitie to wische good unto my
Hous, and unto thame that ar cuming of the same, not allanerlie for
the faythfulnes, amitie, and societie, that hes bein betuix our
foirbearis, but also for the lait conjunction of blood[717] that is
betuix oure saidis Houssis, gif it be Goddis pleasur that it have
success; quhilk should give sufficient occasioun to your Lordschip
to wische good to my Housse, and perpetuitie with Goddis gloir,
without quhilk nothing is perpetuall, unto whome be praise and
wirschipe for ever and ever. Amen.

3. Thridly, your Lordschip declares how displeasand it is to yow,
that I should be seduced be ane infamed persone of the law,[718]
and be the flatterie of ane mensworne apostate, that, under
pretence of his furth geving, maikis us to understand, that he is
ane preachear of the Evangell, and tharewith rases schismes and
divisionis in the haill Kirk of God; and be our mantenance and
defence, wald infect this countrey with heresye; alledgeand that to
be Scripture, whilk thir many yearis bygane, hes bein condemned as
heresye be the Generall Counsallis and haill estate of Christiane
people.

ANSURE.--The God that creatted heavin and earth, and all that
thairin is, preserve me fra seduceing; and I dread otheris many
under the cullour of godlynes ar seduceid, and thinkis that thei do
God a pleasur, when thei persecute ane of thame that professes his
name. What that man is of the law we know nott: we hear nane of his
fla