after that the Preachearis wer exyled,
that after the sermoun whiche was vehement against idolatrie, that a
preast in contempt wold go to the Messe; and to declair his malapert
presumptioun, he wold opin up ane glorious tabernacle which stoode upoun
the Hie Altare. Thare stoode besyde, certane godly men, and amonges
otheris a young boy, who cryed with a lowd voce, "This is intollerable,
that when God by his Worde hath planelie damned idolatrie, we shall
stand and see it used in dispyte." The preast heirat offended, gave the
chyld a great blow; who in anger took up a stone, and casting at the
prcast, did hytt the tabernacle and brack doune ane ymage; and
immediatlie the hole multitude that war about cast stones, and putt
handis to the said tabernacle, and to all utheris monumentis of
idolatrie; whiche thei dispatched, befoir the tent man in the toune war
advertist, (for the moist parte war gone to dennar:) Whiche noysed
abroad, the hole multitude convened, not of the gentilmen, neyther of
thame that war earnest professouris, bot of the raschall multitude, who
fynding nothing to do in that Churche, did run without deliberatioun to
the Gray and Blak Freris; and nochtwythstanding that thei had within
thame verray strong gardis keapt for thare defence, yitt war thare gates
incontinent brust upe. The first invasioun was upoun the idolatrie; and
thareafter the commoun people began to seak some spoile; and in verray
deid the Gray Freiris[771] was a place so weall provided, that oneles
honest men had sein the same, we wold have feared to have reported what
provisioun thei had. Thare scheittis, blancattis, beddis, and
covertouris wer suche, as no Erle in Scotland hath the bettir: thair
naiprie was fyne. [SN: THAIR PROVISIOUN.] Thei wer bot awght personis in
convent, and yitt had viij punscheonis of salt beaff, (considder the
tyme of the yeare, the ellevint day of Maij,) wyne, beare, and aill,
besydis stoare of victuallis effeiring thareto. The lyik haboundance
was nott in the Blak Frearis;[772] and yitt thare was more then becam
men professing povertie. The spoile was permitted to the poore: for so
had the preacheouris befoir threatned all men, that for covetousnes saik
none shuld putt thare hand to suche a Reformatioun, that no honest man
was enriched thairby the valew of a groate. Thare conscience so moved
thame, that thei suffered those hypocreattis tak away what thei could,
of that whiche was in thare places. The Priour of Char