ure, and conforme thairto, albeit that
many of his propositionis ar many yearis past condempned be
Generall Counsallis and the haill estaite of Christiane people.

4. To schaw to my Lord, how perrelous this is to his Lordschip and
his house, and decay thareof, in caise the Authoritie wold be
scharpe, and wold use conforme bayth to civile and cannon, and als
your awin municipall law of this Realme.

5. To schaw his Lordschipe, how wa[711] I wold be eyther to hear,
see, or knaw any displeasur that mycht come to him, his Sone, or
any of his house, or freindis, and especiallie in his awin tyme and
dayis; and als how great displeasur I have ellis to hear great and
evill bruyte of him, that should now in his aige, in a maner vary
in[712] his fayth; and to be alterat tharein, when the tyme is that
he should be maist suir and firme thairin.

6. To schaw his Lordschipe, that thare is dilatioun of that man,
called Dowglass or Grant, of syndrie Articules of heresye, quhilk
lyes to my charge and conscience to put remeady to, or ellis all
the pestilentious doctrin he sawes, and siclyik all that ar corrupt
be his doctrin, and all that he drawes fra our fayth and Christiane
religioun, will ly to my charge afoir God, and I to be accused
befoir God for ower seing of him, yf I putt nott remedy tharto, and
correct him for sick thingis he is delaited of. And tharefor that
my Lord considder, and weay it weall, how heychtlie it lyes bayth
to my honour and conscience: for yf I thole him, I wilbe accused
for all thame that he infectis and corruptis in heresye.

Heirfor, I pray My Lord, in my maist hartly manor, to tack this
mater in the best parte, for his awin conscience, honour, and weall
of him self, hous, freindis, and servandis; and sick lyik for my
parte, and for my conscience and honour, that considdering that
thare ar diverse Articules of heresey to be laid to him that he is
delated of, and that he is presentlie in my Lordis cumpany, that my
Lord wold, be some honest way, departe with this man, and putt him
fra him and fra his Sonnes cumpanye; for I wold be richt sory that
any being in any of thare cumpanyes should be called for sick
causses, or that any of thame should be bruited to hold any sick
men. And this I wold advertise my Lord, and have his Lordschippis