to look
frowardlie to all suche as sche knew did favour the Evangell of Jesus
Christ. Sche commanded her houshold to use all abhominationis at Pasche;
and sche hir self, to geve exampill to utheris, did communicat with that
idole in open audience: Sche comptrolled hir houshold, and wold know
whare that everie ane receaved thare Sacrament. And it is supposed, that
after that day the Devill took more violent and strong possessioun in
hir[762] then he had befoir; for, from that day fordwarte, sche appeared
altogether altered, insomuche that hir countenances and factes did
declair the vennome of hir harte. For incontinent sche caused our
preachearis to be summoned;[763] for whome, when we maid intercessioun,
beseiching hir Grace not to molest thame in thare ministerie, onles any
man war able to convict thame of fals doctrin, sche could not bryddill
hir toung from open blasphemy, but proudlie sche said, [SN: SCHE HAD
GOTTIN HIR LESSOUN FROM THE CARDINALL.] "In dispite of yow and of your
ministeris boith, thei shalbe banisshed owt of Scotland, albeit thei
preached als trewlie as evir did Sanct Paule." Which proud and
blasphemous ansuer did greatlie astoniss us; and yit ceassed we not
moist humilie to seak hir favouris, and by great diligence at last
obteaned, that the summoundis at that tyme war delayed. For to hir wer
send Alexander Erle of Glencarne, and Sir Hew Campbell of Loudoun
knycht, Schiref of Air, to reassoun with hir, and to crave some
performance of hir manifold promisses. [SN: QUENE REGENTIS ANSURE.] To
whome sche ansured, "It became not subjectis to burden thare Princess
with promisses, farther then it pleaseth thame to keape the same." Boith
thei Noble men faythfullie and boldly discharged thare dewitie, and
plainlie foirwarned hir of the inconvenientis that war to follow;
wharewyth sche somewhat astonied said, "Sche wald advise."[764]

[SN: SANCT JOHNESTOUN EMBRASED THE EVANGELL.]

In this meantyme did the toune of Perth, called Sanct Johnestoun,
embrase the trewth, which did provok hir to a new fury; in which sche
willed the Lord Ruthven, Provest of that toune,[765] to suppress all
suche religioun thare. [SN: LORD RUTHVEN HIS ANSURE.] To the which, when
he ansured, "That he could maik thare bodyes to come to hir Grace, and
to prostrate thame selfis befoir her, till that sche war fullie satiate
of thare bloode, bot to caus thame do against thare conscience, he could
not promeise:" Sche in fury did ansure, "T