" This Prelatt was knowin by his proper tockenes to
have bene Priour Patrik Hepburne,[82] now Bischop of Murray, who to this
day hes continewed in the professioun that he anes maid to his god and
king of luif.[83]

It was supposed, notwithstanding this kynd of preaching, that this Frear
remaned papist in his heart; for the rest of the Frearis, fearing to
losse the benedictioun of the Bischoppes, to witt, thair malt and thair
maill, and thair other appoineted pensioun, cawsed the said Frear to
flye to England, whair, for defence of the Paipe and Paipistrie, his was
cast in preasone[84] at King Hary his commandiment. But so it pleasith
God to open up the mouth of Baalames awin asse, to cry out againest the
vitious lyves of the clergie of that aige. Schorte after this, new
consultatioun was tackin, that some should be brunt; for men began
verray liberallie to speak. A meary gentillman, named Johnne Lyndesay,
famylliar to Bisehope James Betoun, standing by when consultatioun was
had, said, "My Lord, yf ye burne any mo, except ye follow my counsall,
ye will utterlye destroy your selves. Yf ye will burne thame, lett thame
be brunt in how sellarris; for the reik of Maister Patrik Hammyltoun hes
infected as many as it blew upoun."[85] Thus it pleased God, that thei
should be tanted in thair awin face. But hear followis the moist meary
of all. Sandie Furrour, who had bene empreasoned sevin yearis in the
Toure of Londone, Sir Johnne Dignwaill,[86] according to the cheritie of
Churche men,[87] enterteneid his wyiff, and waisted the poore manes
substance. For the which caus, at his returnyng, he spaik more
liberallie of preastis then thei could bear, and so was he declaired[88]
to be accused of heresye, and called to his ansuer to Sanctandrose. He
lapp up mearely upoun the scaffold, and, casting a gawmound, said,
"Whair ar the rest of the playaris?" Maistir Audro Olephant,[89]
offended thairwyth, said, "It shalbe no play to yow, Sir, befoir that ye
depart." And so began to read his accusatioun. The first article whareof
was, That he dispyssed the Messe. His ansuer was, "I hear mo Messis in
awght dayis, then thre Bischoppis thair sitting sayis in a year."
Accused secoundarly, Of contemptioun of the sacramentis. "The preastis,
(said he,) war the maist commoun contempnaris of sacramentis, and
especiallie of matrimonye," and that he witnessed by any of the preastis
thare present, and named the menis wyffis with whome thei had medled,
a