foirsaid leprouse Bischop, in the year of God J^m. V^c. thretty four,
caused to be summoned Sir Williame Kirk, Adam Dayis, Hendrie Karnes,
Johnne Stewart, indwellaris of Leyth,[127] with diverse otheris, such
as, Maistir Williame Johnestoun,[128] Maister Henry Hendyrson,
schoolmaister of Edinburgh,[129] of whome some compeired in the Abbay
Kirk of Halyrudhouse, and so abjured and publictlie brynt thare
byllis:[130] otheris compeared nott, and tharefoir war exyled. Butt in
judgement war produced two, to wit, David Stratoun,[131] a gentilman,
and Maister Normound Gowrlay,[132] a man of reassonable eruditioun, of
whom we mon schortlye speak. In Maister Normound appeared knawledge,
albeit joyned with weakness. But in David Stratoun, could onlye be
espyed, for the first, a haterent against the pride and avaritiousnes of
the preastis; for the causse of his delatioun was, he had maid to him
self ane fische boit to go to the sea. The Bischop of Murray, (then
being Priour of Sanctandross,[133]) and his factouris, urgeid him for
the teind thairof. His ansuer was, Yf thei wald haif teynd of that which
his servandis wane in the sea, it war but reassoun, that thei should
come and receave it whare his gatt the stock; and so, as was constantlye
affirmed, he caused his servandis cast the tenth fische in the sea
agane. Processe of curssing was led against him, for non payment of
such teindis:[134] which when he contempned, he was delaited to answer
for heresye. It trubled him vehementlie; and thairfoir he begane to
frequent the company of such as war godlie; for befoir he had bene ane
man verry stubburne, and one that dispysed all reading, (cheaflie of
those thingis that war godly;) but miraculouslie, as it war, his
appeared to be changeid; for he delyted in nothing but in reading,
(albeit him self could not reid,) and was ane vehement exhortar of all
men to concord, to qwyetness, and to the contempt of the warld. He
frequented much the company of the Lard of Dun, whome God, in those
dayis, had marvelouslie illuminated. Upoun a day, as the Lard of
Lowristoun,[135] that yit lyveth, then being ane young man, was reading
unto him upoun the New Testament, in ane certane qwyet place in the
feildis, as God had appointed, he chaunced to read these sentenceis of
our Maistir, Jesus Christ: "He that denyis me befoir men, or is eschamed
of me in the myddest of this wicked generatioun, I will deny him in the
presence of my Father, and befoir his ang