o him the good vallett, was
reputed amangis his ennemyes. The Cardinall drew the Governour to
Dundye;[301] for he understood that the Erle of Rothess and Maister
Henrie Balnaves war with the Lord Gray in the Castell of Huntlie.[302]
The Governour send and commanded the saidis Erle and Lord, with the
foirsaid Maister Henrie, to come unto him to Dundy, and appointeid the
nixt day, at ten houris befoir none; which hour thei decreid to keap;
and for that purpose assemblet thare folkis at Bawgawy,[303] or thareby.
The Cardinall advertissed of thare nomber, (thei war mo then thre
hundreth men,) thowght it nott good that thei should joyn with the
toune, for he feared his awin estaite; and so he persuaded the Governour
to pas furth of Dundy befoir nyne houris, and to tak the strayth way to
Sanct Johnnestoun.[304] Which perceaved by the foirsaid Lordis, thei
begane to feare that thei war come to persew thame, and so putt thame
selves in ordour and array, and merched fordward of purpose to have
biddin the uttermost. But the craftie fox foirseing, that in feghtting
stood nott his securitie, rane to his last refuge, that is, to manifest
treasone; and so consultatioun was tackin how that the force of the
otheris mycht be brokin. And at the first, war send the Lard of Grange
and the Provest of Sanctandross,[305] (knowing nothing of treason,) to
ask "Why thei molested my Lord Governour in his jorney?" Whairto thei
ansuered, "That thei ment nothing less; for thei came at his Grace's
commandiment, to have keap the hour in Dundy appointed by him, which
becaus thei saw prevented, and knawing the Cardinall to be thare
unfreand,[306] thei could nott butt suspect thare unprovided cuming
furth of the toune; and thairfoir, thei putt thame selfis in ordour not
to invaid, but to defend in caise thei war invaded." This ansure
reported, was send to thame _the Bischope of Sanctandross_,* [SN: THE
ABBOT OF PASLEY[307]*] Maister David Panter, the Lardis of Balclewhe and
Coldinknowis, to desyre certane of the other cumpany to talk with thame;
which thei easelie obteined, (for thei suspected no treasone.) After
long communicatioun, it was demanded, Yf that the Erle and Lord and
Maister Henrie foirsaid, wold nott be content to talk with the
Governour, providit that the Cardinall and his cumpany war of the
ground? Thei ansuerit, "That the Governour mycht command thame in all
thinges lauchfull, but thei had no will to be in the Cardinalles
mercye." Fayre p