ed have ane kirk;
Syne miracles mak be your avyse.
Thay kettereles, though they had but lyse,
The twa part to us they will bring:
But ordourlie to dress this thing,
A gaist I purpose to gar gang,
Be counsall of Freir Walter Lang,[184]
Quhilk sall mak certane demonstrations,
To help us in our procurations,
Your haly Ordour to decoir:
That practik he proved anes before,
Betuix Kirkcaldie and Kingorne;
But lymmars made therat sic skorne,
And to his fame maide sic degressioun,
Sensyne he hard not the Kinges confessioun.[185]
Thoicht at that tyme he came na speid,
I pray yow tak guid will as deid;
And him amongest your selves receave,
As ane worth mony of the leave.
Quhat I obteyne may, through his arte,
Ressoun wald ye had your parte.
Your Ordour handles na monye,
But for uther casualitie,
As beif, meill, butter, and cheiss,
Or quhat that we have, that ye plese,
Send your Bretheren _et habete_.
As now nocht elles, but _valete_.
Be THOMAS your brother at command,
A cullurune kythed throw many a land.[186]
When God had gevin unto that indurat Prince sufficient documentis, that
his rebellioun against his blessed Evangell should not prosperouslie
succeid, hie rases up against him warr, as that he did against obstinat
Saull, in the which he miserablie perrished, as we shall after hear.
The occasioun of the Warr was this. Hary the Eight, King of England, had
a great desyre to have spokin with oure King; and in that poynt
travailled so long, till that he gat a full promesse[187] maid to his
Ambassadour, Lord Williame Hawart. The place of meatting was appointed
[at] York; which the King of England keap[t] with such solempnitie and
preparationis, as never for such ane purpoise was sein in England
befoir. Great brute of that jorney, and some preparatioun for the same
was maid in Scotland; but in the end, by persuasioun of the Cardinall
David Betoun, and by otheris of his factioun, that jorney was stayed,
and the Kinges promesse falsefeid. Whareupoun war scharpe letteris of
reproch send unto the King,[188] and also unto his Counsall. King Hary
frustrat, returned to London, and after his indignatioun declaired,
began to fortifie with men his frontearis foranent Scotland. Thare war
send to the Bordouris Sir Robert Bowis, the Erle of Anguss, and his
brother, Sir George Duglass. Upoun what uther trifeling
|