lphins play,
Attend the chariot on its way,
And their great Lord confess.

LATIN POEMS.

I.

[Greek: Herpazon--ouk echontos po aischynen toutou tou ergou,
pherontos de kai doxes mallon.] THUC. Lib. 1.

Pirata loquitur.

Quid nos immerita, turba improba, voce lacessis,
Sanguineasque manus, agmina saeva vocas?
Quidve carere domo, totumque errare per orbem
Objicis, et fraudem caecaque bella sequi?
Non nobis libros cura est trivisse Panaeti,
Nec, quid sit rectum, discere, quidve malum;
Haec quaerant alii: toto meliora Platone
Argumenta manu, qui gerit arma, tenet.
Et tamen, ut primi repetamus saecula mundi,
Omnibus haec populis pristina vita fuit:
Lege orbis caruit: leges ignavior aetas
Excoluit, patrium descruitque decus.
Ut culpent homines, Dis haec laudare necesse est;
Nec pudet auctores fraudis habere Deos.
AEtheriam bello rapuisti, Jupiter, arcem;
Quam, dicat genitor si tibi, Redde; neges.
Fertur Atlantiades, nobis venerabile numen,
Surripuisse omni plusve minusve Deo.
Legiferos alii celebrent justosque poetae;
Maeonides nostri nominis auctor erit.
Sisyphium canit ille ducem, canit inclyta Achillis
Pectora: praedonum ductor uterque fuit.
Lyrnessum AEacides, Ciconas vastavit Ulysses:
Num facta est tali gloria clade minor?
Tu quoque pro rapta pugnabas, Romule, turba,
Et fur imperium furibus ipso dabas.
Armiger ipse Jovis, qui praeda vivit et armis,
Inter aves primum nomen habere solet.
At vaga turba sumus. Vaga erat Tirynthia virtus;
Quam tamen in coelum sacra Camaena vehit
Anne viro, lucrum trans aequora longa secuto,
Dedecori est tantas explicuisse vias?
Si genus in toto quaeris felicius orbe,
Falleris: est nobis aemula vita Deum.
Nec fora, nec leges colimus; nec aratra subimus;
Praedandi est solus militiaeque labor:
Seu ruimus per aperta maris, seu cingimus igne
Maenia, seu cultis exspatiamur agris.
Oppida quum positis florent ingloria bellis,
Fortia pax alta corda quiete tenet:
At nobis medio Fama est quaesita periclo,
Quoque magis durum est, hoc magis omne placet.
Plurima quid referam? Si tu ista refellere nescis,
Vicimus, inque auras crimen inane fugit.

II.

[Greek: ---- Antolas eg