into at pilak, _botas de montar, espuelas_ na pilak, isang
_balaraw_, dalawang revolver sa magkabilang baywang at isang _rifle_.

Nang makahinto na't maitali ang kabayo sa isang puno ay pinagduop ang
dalawang kamay sa labi at ginayahang makaitlo ang huni n~g bahaw.

Hindi pa man halos napapawi ang tunog n~g huni'y nagban~gon ang isa
katao sa isang bunton n~g yagit na nalalayo n~g may m~ga dalawang pung
hakbang ang agwat sa kinatatayuan n~g ating binata.

--Bigyan po ni Bathala n~g magandang gabi ang aking kapitan--ang bati
n~g buman~gon sa bunton n~g yagit.

--?Ano ang balita, kaibigang Pating?

--Kung sa balita po'y marami, n~guni't kakaunti na ang panahon; kung
ibig mo pong masunod ang iyong han~gad ay kailan~gang makarating tayo
n~g bayan sa loob n~g isang oras.

--Kung gayon ay may panahon pa akong magpahin~ga n~g kaunti at
maisalaysay mo naman sa akin ang lahat n~g namatyagan sa bahay na
pinabantayan ko sa iyo. ?Nakahanda na bang lahat nang tao?

--Opo.

--Kung gayon ay umupo muna tayo at ipagsabi mong lahat ang nalalaman.

Ang dalawa'y nagtigisang putol na kahoy at nan~gagsiupo sa tabi n~g
isang puno n~g mangang kalapit.

--Ang una ko pong ginawa ay ang makituloy sa kalapit bahay ni
tininting Moneng at mula roon ay minatyagan ko ang m~ga nangyari.
Nakita ko pong sa maghapong araw ay walang hinto ang paghahanda at
pagyayao't dito n~g m~ga dalaw at kamag-anakan n~g dalagang ikakasal;
n~guni't ang binibini natin ay miminsang lumabas sa kaniyang silid at
n~g makita ko'y may bakas na luha ang m~ga pisn~gi at ang namumugtong
m~ga mata ay nagpapahayag n~g malaking kadalamhatian. Sa pamagitan n~g
may ari n~g bahay na aking tinuluyan, na gaya n~g pagkaalam mo'y aking
hipag, ay pinadating ko sa dalaga ang sulat mo pong ipinabigay
at inantabayanan ko ang sagot. May m~ga isang oras at kalahating
nagantay, bago ko nakitang nabuksan ang bintana sa silid at may isang
maputing kamay na naghulog n~g kaputol na papel na aking pinulot
at binasa. Ang napapalaman ay ganito: "Ikaw na wari'y nagdudulot sa
maralita kong buhay n~g isang maligayang lunas ay pinasasalamatan ko
n~g labis, n~guni't ... iay!... mahirap n~g mangyari ang maiwasan
ko pa ang huling sandaling ikapupugto n~g aking pagasa. Gayon ma'y
maraming salamat" Matapos kong mabasa ang sulat ay inihanda ko na ang
lahat n~g tao at pinagbilinan n~g m~ga gagawing alinsunod sa utos mo.

--Mabuti kung gayon.

--N~guni't ipahintulot mo po sa akin ginoong kapitan ang isa