wan at ito'y nabuksan upang makaraan
ang katawan n~g isang binata.

--iOh!--ani Benita at waring tatakbo n~gunit natigilan, at sa
pagkagulat ay nawalan n~g diwa.

Sandali na lamang sana't natupad n~g binibini ang nasang
pagpapatiwakal.

--Lalong mabuti--ang wika sa sarili n~g pan~gahas na pumasok sa
durun~gawan, na dili iba't ang binatang tinawag na kapitan ni
matandang Pating.--Lalong mabuti ang ganito at walang sagabal sa
pagdadala.

Nang matapos na masulatan ang kaputol na papel na iniwan sa ibabaw n~g
altar ay kinandong ang katawan n~g nabulagtang dalaga at inilabas sa
durun~gawan.

Iwan natin siya na dala ang mayamang pasan at ang ipatuloy ay ang
pagsasalaysay n~g nangyayari sa kabahayan.

* * * * *

Tumugtog ang ika apat at kalahati at ang m~ga gawain ay lalong nag
ulol sapagka't nagdatin~gan na ang novio at ilang panaohin.

Isa't isa'y nagaalay n~g maligayang bati sa matandang mapalad na
magaari sa kagandahan ni Benita.

Si matandang Moneng ay hindi magkasiya sa katuwaan; at n~g masalubong
ang m~ga huling dumating ay lumapit sa pinto n~g silid at tumugtog
dahil oras na n~g pagbibihis n~g ikakasal.

Kinatog ang pintuan, n~guni't walang sumagot; kinatog na muli at gayon
din.

--Baka po nakakatulog pa.--ani kapitang Ape, na dili iba't siyang
magiging asawa.

--Inyo pong tawagan--ang payo naman n~g isa.

--iBenita! iBenita!--anang ama na kasabay ang katog.

Wala ring tumutugon sa loob.

--iBenita! ang halos sigaw ni tininting Moneng na may munti n~g galit
dahil sa baka uulitin na naman n~g kaniyang anak ang pagpapahayag n~g
hindi pagsang-ayon sa kasalang iyon.

Wala n~g oras na ipagaantay, sapagka't magliliwanag na at ang pari
marahil ay nakahanda na rin.

--iBenita!--ang sigaw n~g amang nagagalit at biglang itinulak ang
pintong nakalapat.

Nasira ang _cerradura_ at ang dalawang dahon n~g pinto ay
nabukas.

Ang lahat ay nagitla, n~guni't ang pagkamangha ay nagtalo n~g matanaw
na walang tao ang silid.

Lahat ay patakbong pumasok sa pook na iyon datapwa't walang natagpuan
kundi isang botellitang may tatak na _arsenico_ at ang dalawang
sulat na kilala na n~g bumabasa ang laman n~g isa, sapagka't siyang
sinulat ni Benita bago nagtankang magpakamatay, at ang isa naman ay
ganito ang nasusulat:

"Sa _lakas_ n~g pilak ay mayroon pang dumadaig; ang _lakas_
n~g _lakas_.==Juan Masili".

--iJuan Masili! Ang hari n~g m~ga tulisan--ang bulong na bumukal sa
lahat n~