ng n~g kasalukuyang nagdadatin~gan ang man~ga unang dalo na
kasabay ang _noviong_ si matandang Ape. Matapos ang salita nang
binata ay pinalakad na ang m~ga kausap; siya'y lumiko sa isang daan
na patun~go sa bahay n~g kapitang ikakasal, na, sapupo ang babaying
walang malay-tao at nang nalalapit na sa tinurang bahay ay nag-utos sa
m~ga taong nakita roon, na pawa niyang kampon.

--Kunin ninyo ang lahat ng madadala--ang wika niya--at aantabayanan ko
ang paglalagablab nang sulong tatanglaw sa aking lalakaran, sapagka't
diwa'y tinamad n~gayon sa pagsikat ang araw.

Sa utos na ito'y nan~gag galawan ang may dalawang pung lalaki na
pawang sandatahan, na nan~gakahanay sa dalawang panig n~g daan at
nagsitun~go sa bahay ni kapitang Ape, na sa m~ga sandaling iyon ay
nasabahay ni Moneng na kaniyang bibiyinanin.

Makaraan ang sandali'y nan~gakapasok ang ilan sa bahay na lolooban, at
nagsimula ang pagkakagulo, sapagka't ang m~ga alilang nabiglaanan
sa gayon ay walang ibang ginawa liban sa tumakas; n~guni't hindi
nan~gakalayo ang m~ga nagulat na utusan, sa dahilang sila'y nadakip
n~g m~ga na sa labas nang bahay, kaya't naging saksi silang lahat sa
pag-uutos ng binatang nan~gan~gabayo na pagpapadin~gas n~g bahay,
nang makitang ang m~ga nagsipasok ay lumabas na may dalang tigiisang
balutan.

Pumasok ang isang naiwan sa labas at mayamaya'y nagsilakad n~g
lahat ang magkakasama sapagka't sa kadilimang hindi pa hinahawi n~g
kaliwanagan n~g sisikat na araw ay namukod ang pulang ibinuga n~g
nag-aalab na bahay.

Ang sigawan n~g itulisan! at isunog! ay nadin~gig halos sa lahat n~g
pook n~g bayan at ang m~ga _justicia_ ay lumipana sa paghabol, sa
may dakong luwasan, sa m~ga tulisang nagtun~go sa hulo.

Alam na nating ang isa sa m~ga alila ang nagbalita kay kapitang Ape
sa nangyaring loob at alam din natin ang kinasapitan n~g matandang
ikakasal sana, kaya't ang sundan natin ay ang pan~gulo nang tulisan na
nan~gan~gabayo't dala si Benita.

--N~gayon di'y dapat magsitun~gong lahat sa yun~gib at doon ko kayo
aantabayanan upang magawa ang lahat n~g kailan~gan--ang wika n~g
binata sa m~ga tulisan n~g sila'y malayolayo na sa bayan--Matandang
Pating umangkas ka kung ibig mo, sapagka't kailan~gan kung dumating
kang aking kasabay sa kinalalagyan n~g binatang binabantayan.

--Magpatakbo ka na po kahit hindi ako kaankas at pamumuntutan
kita--ang wika ni Pating n~g maiabot sa isang kasama ang kaniyang
dala.

--Kung gayo'y halina--anang binata at pi