sembling repulsed thame, till that thei came to
the Nether Bow;[559] and thare Monsieur La Chapell, with the hole bandis
of French men enarmed, rencontered the said Provest, and[560] repulsed
him, (for the toune war without weapones, for the maist parte,) and so
maid invasioun upoun all that thei mett. [SN: THE SLAUGHTER OF THE
CAPITANE OF THE CASTELL OF EDINBURGH] And first, in the throt of the
Bow, war slane David Kirk and David Barbour, (being at the Provostes
back,) and thareafter war slane the said Provest himself, being Lard of
Stannoss, and Capitane of the Castell,[561] James Hammyltoun his
sone,[562] Williame Chapman, a godly man, Maister Williame
Stewarte,[563] Williame Purvess, and a woman, named Elizabeth Stewarte;
and thareafter taryed within the toune, by force, from fyve houris, till
after sevin at nycht, and then reteared to the Cannogat, as to thare
receptackle and refuge.

[SN: HADINGTOUN ALMOST SURPRISED BY THE FRENCH.]

The hole Toun, yea, the Governour and Nobilitie commoved at the
unwoorthynes of this bold attemptat, craved justice upoun the
malefactouris, or ellis thei wold tack justice of the hole. The Quein,
crafty yneweht, Monsieur de Essye, and Monsieur Dosel, laubored for
pacificatioun, and did promeise, "That onless the French men, by thame
selfis allone, should do such ane act, as mycht recompense the wrong
that thei had done, that then thei should not refuise, but that justice
should be executed to the rigour." These fayre woordis pleased our
foollis, and so war the Frenche bandis the nixt nycht direct to
Hadingtoun,[564] to the which thei approched a lytill after mydnycht, so
secreatlye, that thei war never espyed, till that the formar war within
the basse courte, and the haill cumpany in the church yard, nott two
payre of boot lenthis distant frome the toune. The soldartis,
Englishmen, war all a sleape, exceapt the watch, the which was sklender,
and yitt the schowt arises, "Bowes and billes: Bowes and billes;" which
is significatioun of extreame defence, to avoid the present danger, in
all tounes of warr. The effrayed aryses: weapones that first come to
hand serve for the nead. One[565] amongis many cumes to the East porte,
whare lay two great pieces of ordinance, and whare the ennemies war
knowin to be, and cryed to his fellowes that war at the yett macking
defence, "Ware befoir;" and so fyres a great peace, and thareafter
another, which God so conducted, that after thame was no farther