dinneli chaia sa tav trustal tiro angushtri. Kenna-sig tiri yakka dikena
pensa sappa, te vonka tu shan hoini tu tevel dikk pens' o puro beng. O
pashno covva miri deari se ta jin sa ta plasser, te kamer, te masher
foki. Vanka rakli lela chumeni kek-siglo adre lakis mui, tu sastis pen
laki adovo sikerela buti bak. Kanna lela lulli te safrani balia, pen
laki adovo se tatcho sigaben yoi sasti lel buti sonakei. Kanna lakis
koria wena ketenes, dovo sikerela yoi tevel ketni buti barveli rya. Pen
sarja vonka tu dikesa o latch apre lakis cham, talla lakis kor, te
vaniso, adovos sigaben yoi tevel a bori rani. Ma kessur tu ki lo se,
'pre o truppo te pre o bull, pen laki sarja o latch adoi se sigaben o
boridirines. Hammer laki apre. Te dikessa tu yoi lela bitti wastia te
bitti piria, pen laki trustal a rye ko se divius pa rinkeni piria, te sa
o rinkeno wast anela kumi bacht te rinkno mui. Hammerin te kamerin te
masherin te shorin shan o pash o dukkerin. Se kek rakli te kekno mush
adre mi duvel's chollo-tem savo ne se boino te hunkari pa chomani, te si
tu astis latcher sa se tu susti lel lender wongur. Stastis, latcher sar
o rakkerben apre foki.

"Awer miri bibi, adovos sar hokkanipen. Me kamava buti ta sikker tachni
chovihanipen. Pen mandy si nanei tachi chovahanis, te sa yol dikena."

"O tachi chovihani miri chavi, lela yakka pensa chiriclo, o kunsus se
rikkeredo apre pensa bongo chiv. Buti Yahudi, te nebollongeri lena jafri
yakka. Te cho'hani balia shan rikkerdi pa lakis ankairoben te surri, te
adenna risserdi. Vonka Gorgikani cho'hani lena shelni yakka, adulli shan
i trasheni.

"Me penava tuki chomani sirines. Vonka tu latchesa o pori te o sasterni
krafni, te anpali tu latchesa cuttor fon papiros, tu sastis chin apre lis
sar o pori savo tu kamesa, te ha lis te tu lesa lis. Awer tu sasti chin
sar tiro noko ratt. Si tu latchessa pash o lon-doeyav o boro
matcheskro-bar, te o puro curro, chiv lis keti kan, shunesa godli. Tevel
tastis kana pordo chone peshela, besh sar nangi adre lakis dud hefta
ratti, te shundes adre lis, sarrati o gudli te vel tachodiro, te anpale
tu shunesa i feris rakerena sig adosta. Vonka tu keresa hev sar o bar
adre o mulleskri-tan, jasa tu adoi yeck ratti pash a waver te kenna-sig
tu shunesa sa i mulia rakerena. Sorkon-chirus penena ki lovo se garrido.
Sastis lel o bar te risser lis apre o mulleskri-tan, talla hev si kedo.

"Me penava tuki apopli chomani cho'haunes. Le vini o sar cov