somewhat bud, as in deid so
it did. For Johnne Rowgh,[469] (who sone after the Cardinalles slawghter
entered within the Castell, and had continewed with thame the hole
seige,) begane to preach in Sanctandrois; and albeit he was nott the
most learned, yit was his doctrin without corruptioun, and tharefoir
weall lyiked of the people.

At the Pasche[470] after, [SN: ANNO 1547.] came to the Castell of
Sanctandrois JOHNNE KNOX, who, weareid of removing from place to place,
be reassone of the persecutioun that came upoun him by this Bischope of
Sanctandros, was determinat to have left Scotland, and to have vesitid
the schooles of Germany, (of England then he had no pleasur, be reassone
that the Paipes name being suppressed, his lawes and corruptionis
remaned in full vigour.) But becaus he had the cair of some gentilmenes
childrene, whome certane yearis he had nurished in godlynes, thare
fatheris solisted him to go to Sanctandrois, that himself mycht have the
benefite of the Castell, and thare childrene the benefite of his
doctrine; and so, (we say,) came he the tyme foirsaid to the said place,
and, having in his cumpanye Franciss Dowglass of Langnudrye, George his
brother,[471] and Alexander Cockburne, eldast sone then to the Lard of
Ormestoun,[472] begane to exercise thame after his accustomed maner.
Besydis thare grammare, and other humane authoris, he redd unto thame a
catechisme, a compt whairof he caused thame geve publictlie in the
parishe Kirk of Sanctandrois. He redd moreover unto thame the Evangell
of Johnne, proceading whare he left at his departing from Langnudrye,
whare befoir his residence was; and that lecture he redd in the chapell,
within the Castell, at a certane hour. Thei of the place, but
especiallie Maister Henry Balnaves and Johne Rowght, preachear,
perceaving the manor of his doctrin, begane earnestlie to travaill with
him, that he wold tack the preaching place upoun him. But he utterlie
refuissed, alledgeing "That he wold nott ryne whare God had nott called
him;" meanyng, that he wold do nothing without a lauchfull vocatioun.

[SN: THE FIRST VOCATIOUN BY NAME OF JOHNE KNOX TO PREACHE.]

Whareupone thei prively amonges thame selfis advising, having with thame
in counsall[473] Schir David Lyndesay of the Mont, thei concluded, that
thei wold geve a charge to the said Johnne, and that publictlie by the
mouth of thare preachear. And so upoun a certane day, a sermone had of
the electioun of ministeris, Wh