s Decius.]
How that most noble centoure Publius Decius, so hardie an entreprennoure in
the bataile, whan the Romains were almost overthrow, he avaunsid hym silfe
so ferre in the bataile, to die to th'entent to make the Romains more gret,
and felle for his dethe in fighting tille they had the victory.
[Sidenote: Nota bene diversitatem militum.]
[Sidenote: Publius Decius non est recomendandus in hoc negocio.]
In semblable wise Tullius writithe of that vaillaunt citezin Romayne
Publius Decius, at a tyme he was chosen consulle and as a chiefteyne among
the Romayne ostes, he saw how the Romayne oost was almost bete downe to
grounde, he thought in his soule that he wolde put his bodie in jubardie
frely to die, forto make the Romains more egir and fellir in that bataile
to revive hem silfe thoroughe cruelte of his dethe. He tooke his hors withe
the sporis, and avaunsing hym silfe among his adversaries, and at the last
was so sore charged withe hem that he was fellid to grounde deede. The
Romayns, havyng consideracion in theire courageous hertis how knyghtly he
avaunsid hym in bataile fighting and suffered dethe for here sake, tooke
courage and hert to hem, and recomforting hem foughten so vigorouslie
ayenst theire adversaries that they hadde the victorie.
[Here is added in the margin the following anecdote:]
Hyt ys to remembre that I hafe herd myne autor Fastolfe sey, whan he had
yong knyghtys and nobles at hys solasse, how that {65} there be twey maner
condicions of manly men, and one ys a manlye man called, another ys an
hardye man; but he seyd the manly man ys more to be commended, more then
the hardy man; for the hardy man that sodenly, bethout discrecion of gode
avysement, avauncyth hym yn the felde to be halde courageouse, and wyth
grete aventur he scapyth, voydith the felde allone, but he levyth hys
felyshyp destrussed. And the manly man, ys policie ys that, or he avaunce
hym and hys felyshyp at skirmysshe or sodeyn racountre, he wille so
discretely avaunce hym that he wille entend to hafe the ovyr hand of hys
adversarye, and safe hymsylf and hys felyshyp. And therfore the aventure of
Publius Decius ys not aftyr cristen lawes comended by hys willefulle deth,
nother hys son.
How the son of the said Publius died in the same case.
And the sonne of the said Publius, that was foure tyme electe and and chose
consul among the Romains, put hym in so gret jupardie of bataile, for the
helthe, prosperitie, and welfa
|