his medewis purveied for sustenaunce of his
grete bestis, and every man after his degree to store hym silfe, that whan
ther falle by fortune of straunge wethirs, as thoroughe excessife moist,
colde, heet, mildewis, or by fortune of bataile and werre, the saide
countre, cite, towne, village, or menage so provided and stuffid before
shalle mow withe gret ease endure the persecucion of a scarsete or derthe
fallen [by] suche straunge menys. And aswelle the terme of Res publica,
whiche is in Englisshe tong clepid a comyn profit, it ought aswelle be
referred to the provision and wise gouvernaunce of a mesuage or a
householde as to the conduit and wise governaunce of a village, towne,
citee, countree, or region.
[The following addition is here made in the margin.]
Hyt ys to remembre thys caase of rebellyon of Parys felle in abcence of
Herry .v^{te}. kyng beyng in England wyth hys queene. And bethoute noote of
vaynglory, yff I do wryte of myne autor[158] I fynde by hys bokes of hys
purveours how yn every castelle, forteresse, and cyte or towne he wolde
hafe grete providence of vitaille of cornys, of larde, and beoffes, of
stokphyshe and saltfyshe owt of England commyng by shyppes. And that
policie was one of the grete causes that the regent of Fraunce and the
lordes of the kyng ys grete councelle lefft hym to hafe so many castells to
kepe that he ledd yerly .iij^c. sperys and the bowes. And also yn semblable
wyse purveyed yeerly for lyverey whyte and rede for hubes for hys
soudeours, and for armurs wepyns redye to a naked man that was hable to do
the kyng and the sayd regent service. And yt fille yn the .viij^{te}. yere
of Herry the .v^{the}., named kyng, when he was capteyn of the Bastyle of
Seynt Antonye of Parys, and Thomas Beauford, dux of Excestyr, {69} beyng
then capteyn of the cytee, hyt fortuned that for the arrestyng of the lord
Lyseladam, who[159] was yn so grete favour of the cyte that alle the comyns
of the seyd cyte [stode] sodanly to harneys and rebelled ayenst the duc of
Exetyr and ayenst hys armee and felyshyppe; so the duc for more suerte wyth
hys felyshype were coherced to take the Bastyle for her deffence. And at
hys commyng the chieff questyon he demaunded of the seyd Fastolf how welle
he was stored of greynes, of whete, of benys, pesyn, and aveyn for
horsmete, and of othyr vitaille; he seyd for half yere and more suffisaunt.
And hyt comforted gretly the prince. Then the duc made redy the ordenaunce
wyth s
|