s les navires, comme
avoit de coustume. Et semblablement en prya ledict Taignoagny, lequel
dist que tantost il entreroit: Ce qu'ilz feirent & entrerent dedans
ledict fort: Mais au paravant avoit este notre cappitaine adverty par
Dom Agaya, que ledict Taignoagny avoit mal parle & qu'il avoit dict au
seigneur Donnacona qu'il n'entrast point dedans les navires. Notre dict
cappitaine voyant ce, sortist hors du parc ou il estoit, & veit que les
femmes s'en fuyoient par l'advertissement dudict Taignoagny: & qu'il ne
demouroit que les hommes: les quelz estoient en grand nombre. Et lors
commanda ledict cappitaine a ses gens prendre ledict seigneur Donnacona,
Taignoagny, Dom Agaya, & de deux autres des principaulx qu'il monstra,
puis que on feist retirer les autres. Tost apres ledict seigneur entra
dedans le fort avec le dict cappitaine: mais tout soudain ledict
Taignoagny veint pour le faire sortir. Nostre cappitaine voyant qu'il
n'y avoit autre ordre, se print a cryer que on les print: Auquel cry
sortirent les gens dudict cappitaine: lesquelz prinsdrent ledict
seigneur & ceulx que l'on avoit deslibere prendre. Lesdictz Canadians
voyant la prinse, commencerent a fuyr & courir, comme brebis devant le
loup: les ungs le travers la riviere, les autres parmy le boys serchant
chascun son advantage. Ladicte prinse faicte des dessusdictz & que les
autres se furent retirez, furent mys en seure garde.
_Comment les Canadians vindrent la nuict devant les navires, sercher
leurs gens: durant laquelle ilz hurloyent & cryoient comme Loups, & le
parlement & conclusion qu'ilz feirent le lendemain, & des presens qu'ilz
feirent a nostre cappitaine_.
La nuict veneue vindrent devant noz navires, la riviere entre deux grand
nombre du peuple dudict Donnacona huchant & hurlant toute la [Page 43]
nuict comme Loups cryant sans cesse: Agouhanna pensent parler a luy, ce
que ne permist le cappitaine pour l'heure, n'y lendemain jusques environ
mydi: parquoy nous faisoient signe que les avions tuez & penduz. Et
environ l'heure de mydi: retournerent de rechef en aussi grand nombre
qu'avions vu de voyage pour ung coup: eulx tenans cachez dedans le boys,
fors aucuns d'eulx qui cryoient & appelloient a haulte voix ledict
Donnacona. Lors commanda le cappitaine faire monter ledict Donnacona
hault pour parler a eulx. Et luy dist le cappitaine qu'il feist bonne
chere, & que apres avoir parle au Roy de France & compte ce qu'il avoit
veu au Saguenay & aultres qu'i
|