ians, every ane o'
them."

"Hout tout, neighbour, ye mauna take the warld at its word," said
Saddletree; "the very deil is no sae ill as he's ca'd; and I ken mair
than ae advocate that may be said to hae some integrity as weel as their
neighbours; that is, after a sort o' fashion' o' their ain."

"It is indeed but a fashion of integrity that ye will find amang them,"
replied David Deans, "and a fashion of wisdom, and fashion of carnal
learning--gazing, glancing-glasses they are, fit only to fling the glaiks
in folk's een, wi' their pawky policy, and earthly ingine, their flights
and refinements, and periods of eloquence, frae heathen emperors and
popish canons. They canna, in that daft trash ye were reading to me, sae
muckle as ca' men that are sae ill-starred as to be amang their hands, by
ony name o' the dispensation o' grace, but maun new baptize them by the
names of the accursed Titus, wha was made the instrument of burning the
holy Temple, and other sic like heathens!"

"It's Tishius," interrupted Saddletree, "and no Titus. Mr. Crossmyloof
cares as little about Titus or the Latin as ye do.--But it's a case
of necessity--she maun hae counsel. Now, I could speak to Mr.
Crossmyloof--he's weel ken'd for a round-spun Presbyterian, and
a ruling elder to boot."

"He's a rank Yerastian," replied Deans; "one of the public and
polititious warldly-wise men that stude up to prevent ane general owning
of the cause in the day of power!"

"What say ye to the auld Laird of Cuffabout?" said Saddletree; "he whiles
thumps the dust out of a case gey and well."

"He? the fause loon!" answered Deans--"he was in his bandaliers to hae
joined the ungracious Highlanders in 1715, an they had ever had the luck
to cross the Firth."

"Weel, Arniston? there's a clever chield for ye!" said Bartoline,
triumphantly.

"Ay, to bring popish medals in till their very library from that
schismatic woman in the north, the Duchess of Gordon."*

* [James Dundas younger of Arniston was tried in the year 1711 upon
charge of leasing-making, in having presented, from the Duchess of
Gordon, medal of the Pretender, for the purpose, it was said, of
affronting Queen Anne.]

"Weel, weel, but somebody ye maun hae--What think ye o' Kittlepunt?"

"He's an Arminian."

"Woodsetter?"

"He's, I doubt, a Cocceian."

"Auld Whilliewhaw?"

"He's ony thing ye like."

"Young Naemmo?"

"He's naething at a'."

"Ye're ill to please, neighbour," said Saddl