epit in ony better order. And at ony rate, if he suld hear her
skirting her auld ends o' sangs, he's no to ken for that that there's
onybody wi' her."

"That's true," said Sharpitlaw; "and if he thinks her alone, he's as like
to come towards her as to rin frae her. So set forward--we hae lost ower
muckle time already--see to get her to keep the right road."

"And what sort o' house does Nichol Muschat and his wife keep now?" said
Ratcliffe to the mad woman, by way of humouring her vein of folly; "they
were but thrawn folk lang syne, an a' tales be true."

"Ou, ay, ay, ay--but a's forgotten now," replied Madge, in the
confidential tone of a gossip giving the history of her next-door
neighbour--"Ye see, I spoke to them mysell, and tauld them byganes suld
be byganes--her throat's sair misguggled and mashackered though; she
wears her corpse-sheet drawn weel up to hide it, but that canna hinder
the bluid seiping through, ye ken. I wussed her to wash it in St.
Anthony's Well, and that will cleanse if onything can--But they say bluid
never bleaches out o' linen claith--Deacon Sanders's new cleansing draps
winna do't--I tried them mysell on a bit rag we hae at hame that was
mailed wi' the bluid of a bit skirting wean that was hurt some gate, but
out it winna come--Weel, yell say that's queer; but I will bring it out
to St. Anthony's blessed Well some braw night just like this, and I'll
cry up Ailie Muschat, and she and I will hae a grand bouking-washing, and
bleach our claes in the beams of the bonny Lady Moon, that's far
pleasanter to me than the sun--the sun's ower het, and ken ye, cummers,
my brains are het eneugh already. But the moon, and the dew, and the
night-wind, they are just like a caller kail-blade laid on my brow; and
whiles I think the moon just shines on purpose to pleasure me, when
naebody sees her but mysell."

This raving discourse she continued with prodigious volubility, walking
on at a great pace, and dragging Ratcliffe along with her, while he
endeavoured, in appearance at least, if not in reality, to induce her to
moderate her voice.

All at once she stopped short upon the top of a little hillock, gazed
upward fixedly, and said not one word for the space of five minutes.
"What the devil is the matter with her now?" said Sharpitlaw to
Ratcliffe--"Can you not get her forward?"

"Ye maun just take a grain o' patience wi' her, sir," said Ratcliffe.
"She'll no gae a foot faster than she likes herself."