s toutes les Compagnies. D'abord on
alloit du coste de la plus belle pour la voir & pour l'admirer, mais
bien tost apres, on alloit a celle qui avoit le plus d'esprit, pour luy
entendre dire mille choses agreables; & on estoit estonne qu'en moins
d'un quart d'heure l'ainee n'avoit plus personne aupres d'elle, & que
tout le monde s'estoit range autour de la cadette. L'aisnee quoyque fort
stupide, le remarqua bien, & elle eut donne sans regret toute sa beaute
pour avoir la moitie de l'esprit de sa soeur. La Reine toute sage
qu'elle estoit, ne put s'empecher de luy reprocher plusieurs fois sa
bestise, ce qui pensa faire mourir de douleur cette pauvre Princesse. Un
jour qu'elle s'estoit retiree dans un bois pour y plaindre son malheur,
elle vit venir a elle un petit homme fort laid & fort desagreable, mais
vestu tres-magnifiquement. C'estoit le jeune Prince Riquet a la houppe,
qui estant devenu amoureux d'elle sur ses Portraits qui courroient par
tout le monde, avoit quitte le Royaume de son pere pour avoir le plaisir
de la voir et de luy parler. Ravi de la rencontrer ainsi toute seule, il
l'aborde avec tout le respect & toute la politesse imaginable. Ayant
remarque apres luy avoir fait les complimens ordinaires, qu'elle estoit
fort melancolique, il luy dit; je ne comprens point, Madame, comment une
personne aussi belle que vous l'estes, peut estre aussi triste que vous
le paroissez; car quoyque je puisse me vanter d'avoir veu une infinite
de belles personnes, je puis dire que je n'en ay jamais vu dont la
beaute aproche de la vostre. Cela vous plaist a dire, Monsieur, luy
repondit la Princesse, & en demeure la. La beaute, reprit Riquet a la
houppe, est un si grand avantage qu'il doit tenir lieu de tout le reste;
& quand on le possede, je ne voy pas qu'il y ait rien qui puisse nous
affliger beaucoup. J'aimerois mieux, dit la Princesse, estre aussi laide
que vous & avoir de l'esprit, que d'avoir de la beaute comme j'en ay, &
estre beste autant que je le suis. Il n'y a rien, Madame, qui marque
davantage qu'on a de l'esprit, que de croire n'en pas avoir, & il est de
la nature de ce bien la, que plus on en a, plus on croit en manquer. Je
ne scay pas cela, dit la Princesse, mais je scay bien que je suis fort
beste, & c'est de la que vient le chagrin qui me tue. Si ce n'est que
cela, Madame, qui vous afflige, je puis aisement mettre fin a vostre
douleur. Et comment ferez-vous, dit la Princesse; J'ay le pouvoir,
Madame, dit Riquet a
|