r et puissance
den composer et appointier avecque vous ainsi quil vous plaira, et que
regarderez quil sera bon a faire, tout aussi comme se Je y estoie present,
et lequel vous parlera plus a plain de lestate et gouvernement de vostre
ditte seigneurie de Piron et comme elle a este gouvernee. Et pour ce que
autrefois Je vous avoie rescript de vostre terre et seigneurie de Beaumont,
que Jeusse volentiers eue se ceust este vostre plaisir et volente, pour ce
que ma terre d'Asineres est parmys la vostre et joingnent ensemble, Et en
cas que se ne seroit vostre plaisir que Jeusse vostre ditte seigneurie de
Piron, jentend' encores volentiers a icelle de Beaumont, et quil vous
pleust la mettre a prix de raison, car Je ne scay pas bien que elle peult
valloir, mes vous le savez bien, car vous en avez fait fe presn(?) et en
avez eu la desclaracion, non obstant que les terres depar de cha sy sen
vont en tres grant diminucion pour la cause dessus dict. Sy vous plaise de
vostre grace a y avoir sur le tout advis, et den faire tant que Jen puisse
estre tous jours vostre petit et humble serviteur, et comme Jay tousjours
este et seray tant que je vivray. Et se il vous plaist faire quelque
appointe des choses dessus dictes, quil vous plaise a le faire vous mesmes,
et que ne menvoiez a Raouen ne ailleurs, car les chemins sont trop
dangereux, et ne voudroie pas aler a Rouen voulentiers pour gaignier deux
cens frans. Mon treshonnoure et redoubte seigneur, Je me recommande a vous
tant humblement comme Je puis et comme vostre petit et humble serviteur, et
se il est chose que faire puisse pour vous, mandez le moy et Je
l'acompliray de tout mon cuer et volentiers, en priant le Saint Esprit
qu'il soit garde de vous et vous donne bonne vie et longue et
acomplisse(ment) de vous nobles desirs. Escript a la Haie du Puis, le
derrain jour de May. {lviii}
Mon treshonnoure et redoubte seigneur, Je vous recommande ma fille qui est
demour' veufue, et quil vous plaist qelle soit (en) vostre bonne grace et
service, et la conseiller et conforter en tous ses afaires.
Letout vostre humble serviteur Jhon 'Appulton, cap(itaine)
du Pont donne et de la Haie du Puis.
(_Directed on the back_,)
A mon treshonnoure et tresredoubte sire
Messire Jehan Fastouf, chevalier,
seigneur de Piron et de Beaumont
en Normendie.
From the BAILIFFS of WINCHESTER.[83]
Right Worshipfulle Sire,--We recommande ws unto you, latyng you wete of
howre taryng that
|