m'cye on us.

Quite at the bottom of the page is the name of

_Edward Banyster._

* * * * *

LETTERS ADDRESSED TO SIR JOHN FASTOLFE.

(Royal MS. 18 B. XXII. f. 44.)

From JOHN APPULTON, captain of Pontdonne and the Haye de Puis.

Mon treshonnoure et Redoubte Sr., toute humble Recommendacion primier mise,
plaise vous savoir que Jay entendu que piecha vous aviez quittie et
transporte afin de heritaige a Degory Gamel vostre terre et seignourie de
Piron pour le prix de deux mille francs lesquelx il devoit paier a chinq
annees enssuit du dit transport, cest assavoir pour la premir ann six cens
francs, et le demourant es autres quatres anns ensuit, a chacun par egalle
porcion; de la quelle chose J'entens que le dit Degory na pas acompli ces
termes ne ses {lvii} paiemens, car il nest pas tousjours prest de paier, et
est de tel gouvernement que p..... que navez eu que peu de chose de vostre
ditte s'rie dempuis quil en a eu le gouvernement. Et pour ce, mon
treshonnoure et Redoubte, Janvois grant desir davoir icelle terre afin de
heritaige si c'estoit vostre plaisir et volente. Car elle est pres de mes
et bien a mon aise. Sy vous prie et requier tant humblement comme Je puis
et comme vostre petit et humble serviteur, qu'il vous pla[ira] que J'aie
icelle terre et seigneurie de Piron par les prix et condicions dessus
descleres et que l'aviez accordee au dit Degory en cas que [sera] vostre
plaisir de vous en des faire, et que Je la puisse avoir aussi tost que ung
autre, et J'en seay a tousjours mais tenu ... car vous estes le seigneur
qui vive en monde a qui Je suis plus tenu et a qui Jay greigno' service, et
que elle me soit confe[rme?] par le Roy nostre seigneur tellement que Je ny
puisse avoir empeschement. Et je vous promet que Je vous paieray loyalment
es termes qui seront assignes sans aucune faulte, et se faulte y avez per
moy que le marchie ne fust nul, et sur paine de perdre s ... que Jen avoie
paie. Et sy est ce grant chose pour le present de deux mille Francs
attendans la guerre qui est a present ou ... a l'occasion de la prinse et
perte de la place de Grantville. Car se remede ny est mis de brief tout le
bailliage de Costentin est en voie destre destruit, et estre comme le pais
de Caulx, que Dieu ne vueille. Car se seroit grant dommaige et grant pitie.
Et pour ceste cause Jenvoie Jehan Dotton devers vous, qui est vostre
serviteur, porteur de ces presentes, auquel Jay donne pouvoi