et eorum proprijs sumptibus et expensis, ad inueniendum,
discooperiendum, et inuestigandum quascunque insulas, patrias, regiones
siue prouincias gentilium et infidelium quorumcunque, in quacunque parte
mundi positas, quae Christianis omnibus ante haec tempora fuerint incognitae.
Concessimus etiam eisdem et eorum cuilibet, eorumque et cuiuslibet eorum
haeredibus et deputatis, ac licentiam dedimus ad affigendum praedictas
banneras nostras et insignia in quacunque villa, oppido, castro, insula seu
terra firma a se nouiter inuentis. Et quod praenominatus Ioannes, et filij
eiusdem, seu haeredes et eorum deputati, quascunque huiusmodi villas,
castra, oppida, et insulas a se inuentas, quae subiugari, occupari,
possideri possint, subiugare, occupare, possidere valeant tanquam vasalli
nostri, et gubernatores, locatenentes, et deputati eorundem, dominium,
titulum et iurisdictionem earundem villarum, castrorum, oppidorum,
insularum, ac terrae firmae sic inuentorum nobis acquirendo. Ita tamen, vt ex
omnibus fructibus, proficuis, emolumentis, commodis, lucris, et
obuintionibus ex huiusmodi nauigatione prouenientibus, praefatus Iohannes,
et filij ac haeredes, et eorum deputati, teneanter et sint obligati nobis
pro omni viagio suo, toties quoties ad portum nostrum Bristolliae
applicuerint (ad quem omnino applicare teneantur et sint astricti) deductis
omnibus sumptibus et impensis necessarijs per eosdem factis, quintam partem
capitalis lucri facti, siue in mercibus, siue in pecunijs persoluere:
Dantes nos et concedentes eisdem suisque haeredibus et deputatis, vt ab omni
solutione custumarum omnium et singulorum honorum et mercium, quas secum
reportarint ab illis locis sic nouiter inuentis, liberi sint et immunes. Et
insuper dedimus et concessimus eisdem ac suis haeredibus et deputatis, quod
terrae omnes firmae, insulae, villae, oppida, castra, et loca quaecunque a se
inuenta, quotquot ab eis inueniri contigerit, non possint ab alijs
quibusuis nostris subditis frequentari seu visitari, absque licentia
praedictorum Ioannis et eius filiorum, suorumque deputatoram, sub poena
amissionis tam nauium quam bonorum omnium quorumcunque ad ea loca sic
inuenta nauigare praesumentium. Volentes et strictissime mandantes omnibus
et singulis nostris subditis, tam in terra quam in mari constitutis, vt
praefato Ioanni et eius filijs ac deputatis, bonam assistentiam faciant, et
tam in armandis nauibus seu nauigijs, quam in prouisione commeatus et
victualium