West and
Northwest, taken out of the sixt Chapter of the third Decade of Peter
Martyr of Angleria.

Scrutatus est oras glaciales Sebastianus quidam Cabotus genere Venetus, sed
a parentibus in Britanniam insulam tendentibus (vti moris est Venetorum,
qui commercij causa terrarum omnium sunt hospites) transportatus pene
infans. Duo is sibi nauigia, propria pecunia in Britannia ipsa instruxit,
et primo tentens cum hominibus tercentum ad Septentrionem donec etiam Iulio
mense vastas repererit glaciates moles pelago natantes, et lucem fere
perpetuam, tellure tamen libera, gelu liquefacto: quare coactus fuit, vti
ait, vela vertere et occidentem sequi: tetenditque tantum ad meridiem
littore sese incuruante, vt Herculei freti latitudinis fere gradus aequarit:
ad occidentemque profectus tantum est vt Cubam Insulam a Iaeua, longitudine
graduum pene parem, habuerit. Is ea littora percurrens, quae Baccalaos
appelauit, eosdem se reperisse aquarum, sed lenes delapsus ad Occidentem
ait, quos Castellani, meridionales suas regiones adnauigantes, inuenient.
Ergo non modo verisimilius, sed necessario concludendum est, vastos inter
vtramque ignotam hactenus tellurem iacere hiatus, qui viam praebeant aquis
ab oriente cadentibus in Occidentem. Quas arbitror impulsu coelorum
circulariter agi in gyrum circa terrae globum, non autem Demogorgone
anhelante vomi, absorberique vt nonnulli senserunt, quod influxu, et
refluxu forsan assentire daretur. Baccalaos, Cabotus ipse terras illas
appellauit, eo quod in earum pelago tantam reperierit magnorum quorundam
piscium, tynnos aemulantium, sic vocatorum ab indigenis, multitudinem, vt
etiam illi interdum nauigia detardarent. Earum Regionum homines pellibus
tantum coopertos reperiebat, rationis haudquaquam expertes. Vrsorum inesse
regionibus copiam ingentem refert, qui et ipsi piscibus vescantur. Inter
densa namque piscium illorum agmina sese immergunt vrsi, et singulos
singuli complexos, vnguibusque inter squammas immissis in terram raptant et
comedunt. Propterea minime noxios hominibus visos esse ait Orichalcum in
plerisque locis se vidisse apud incolas praedicat. Familiarem habeo domi
Cabotum ipsum, et contubernalem interdum. Vocatus namque ex Britannia a
Rege nostro Catholico, post Henrici Maioris Britanniae Regis mortem,
concurialis noster est, expectatque indies, vt nauigia sibi parentur,
quibus arcanum hoc naturae latens iam tandem detegatur.

The same in English.

These North Seas haue bene