aisir
Pour uiure au labeur de ses mains:
Alors la Mort le uint saisir,
Et consequemment tous humains.

IV.

[Illustration: THE CONSEQUENCES OF THE FALL.]

Maledicta terra in opere tuo, in laboribus comedes cunctis diebus vitae
tuae, donec reuertaris, &c.

Genesis iii.

Mauldicte en ton labeur la terre.
En labeur ta uie useras,
Iusques que la Mort te soubterre.
Toy pouldre en pouldre tourneras.

V.

[Illustration: A CEMETERY.]

Vae vae vae habitantibus in terra.

Apocalypsis viii.

Cuncta in quibus spiraculum vitae est, mortua sunt.

Genesis vii.

Malheureux qui uiuez au monde
Tousiours remplis d'aduersitez,
Pour quelque bien qui uous abonde,
Serez tous de Mort uisitez.

VI.

[Illustration: THE POPE.]

Moriatur sacerdos magnus.

Iosve xx.

Et episcopatum eius accipiat alter.

Psalmista cviii.

Qui te cuydes immortel estre
Par Mort seras tost depesche,
Et combien que tu soys grand prebstre,
Vng aultre aura ton Euesche.

VII.

[Illustration: THE EMPEROR.]

Dispone domui tuae, morieris enim tu, & non viues.

Isaiae xxxviii.

Ibi morieris, & ibi erit currus gloriae tuae.

Isaiae xxii.

De ta maison disposeras
Comme de ton bien transitoire,
Car la ou mort reposeras,
Seront les chariotz de ta gloire.

VIII.

[Illustration: THE KING.]

Sicut & rex hodie est, & cras morietur, nemo enim ex regibus aliud
habuit.

Ecclesiastici x.

Ainsi qu'auiourdhuy il est Roy,
Demain sera en tombe close.
Car Roy aulcun de son arroy
N'a sceu emporter aultre chose.

IX.

[Illustration: THE CARDINAL.]

Vae qui iustificatis impium pro muneribus, & iustitiam iusti aufertis
ab eo.

Esaiae v.

Mal pour uous qui iustifiez
L'inhumain, & plain de malice
Et par dons le sanctifiez,
Ostant au iuste sa iustice.

X.

[Illustration: THE EMPRESS.]

Gradientes in superbia potest Deus humiliare.

Danie iiii.

Qui marchez en pompe superbe
La Mort vng iour uous pliera.
Come soubz uoz piedz ployez l'herbe
Ainsi uous humiliera.

XI.

[Illustration: THE QUEEN.]

Mulieres opulentae surgite, & audite vocem meam. Post dies, & annum,
& vos conturbemini.

Isaiae xxxii.

Leuez uous dames opulentes.
Ouyez la uoix des trespassez.
Apres maintz ans & iours passez,
Serez troublees & doulentes.

XII.

[Illustration: THE BISHOP.]

Percutiam pastore