er, said,--
"Thir's sair news! The drouth of cauld iron will be slockened in men's
blood ere we hear the end o't."
"'Deed," replied my grandfather, "it's very alarming; Lucky, here, has
just been telling me that there's likely to be a straemash among the
Reformers. Surely they'll ne'er daur to rebel."
"If a' tales be true, that's no to do," said the smith, blowing the
froth from the cap in which Dame Lugton handed him the ale, and taking a
right good-willy waught.
"But what's said?" inquired my grandfather, when the smith had fetched
his breath.
"Naebody can weel tell," was his response; "a' that's come this length
is but the sough afore the storm. Within twa hours there has been a
great riding hither and yon, and a lad straight frae Embro' has come to
bid my Lord Abbot repair to the court; and three chiels hae been at me
frae Eglinton Castle to get their beast shod for a journey. My Lord
there is hyte and fykie; there's a gale in his tail, said they, light
where it may. Now, atween oursels, my Lord has na the heart of a true
bairn to that aged and worthy grannie of the papistry, our leddy the
Virgin Mary--here's her health, poor auld deaf and dumb creature--she
has na, I doubt, the pith to warsle wi' the blast she ance in a day
had."
"Haud that heretical tongue o' thine, Jamie Coom," exclaimed Dame
Lugton. "It's enough to gaur a body's hair stand on end to hear o' your
familiarities wi' the Holy Virgin. I won'er my Lord Abbot has na
langsyne tethert thy tongue to the kirk door wi' a red-het nail for sic
blasphemy. But fools are privileged, and so's seen o' thee."
"And wha made me familiar wi' her, Dame Lugton, tell me that?" replied
James; "was na it my Lord himself at last Marymas, when he sent for me
to make a hoop to mend her leg that sklintered aff as they were dressing
her for the show. Eh! little did I think that I was ever to hae the
honour and glory of ca'ing a nail intil the timber hip o' the Virgin
Mary! Ah, Lucky, ye would na hae tholed the dirl o' the dints o' my
hammer as she did. But she's a saint, and ye'll ne'er deny that ye're a
sinner."
To this Dame Lugton was unable to reply, and the smith, cunningly
winking, dippet his head up to the lugs in the ale-cap.
"But," said my grandfather, "no to speak wi' disrespeck of things
considered wi' reverence, it does na seem to me that there is ony cause
to think the Reformers hae yet rebelled."
"I am sure," replied the smith, "if they hae n
|