yne, that he coulde nat scape, but he muste nedes dye of that disese.
This sicke man within a whyle after, nat by the phisitians helpe, but by
the wille of God, guerysshed[215] and was holle of his disease: howe be
hit, he was verye lowe and bare[216] broughte. And as he walked forth on
a daye, he met the same phisytian, whiche, doubtynge whether hit were
the same sycke man or nat, sayd: Arte nat thou Gaius? yes, truelye, quod
he. Arte thou alyue or deed, sayde the phisitian? I am deed, quod he.
What doste thou here than, said the phisitian? Bycause, quod he, that I
haue experience of many thinges, God hath commanded me that I shulde
come and take vp all the phisitians that I can get, to him. Whiche
sayenge made Eumonus as pale as asshes for fere. Than Gaius sayd to him:
drede thou nat, Eumonus, thoughe I sayd all phisitians: for there is no
man that hath wytte, that wylle take the for one.
FOOTNOTES:
[215] Fr. "guerir," to heal.
[216] Poor, or, perhaps, poorly.
+ _Of Socrates and his scoldinge wyfe._ xlix.
+ Laertius wryteth, that the wyse man Socrates had a coursed scoldinge
wyfe, called Xantippe, the whiche on a daye after she hadde alto[217]
chydde him powred a * * * * * potte on his heed. He, takynge all
paciently, sayde: dyd nat I tell you that, whan I herde Xantippe thonder
so fast, that it wolde rayne anone after?
Wherby ye maye se, that the wyser a man is, the more pacience he taketh.
The wyse poet Virgil sayth: all fortune by suffrance must be ouercome.
+ _Of the phisitian that bare his paciente on honde, he had eaten an
asse._ l.
+ A Phisitian, which had but smalle lerning, vsed whan he came to viset
his pacientes to touche the pulce; and if any appayred, he wolde lay the
blame on the paciente, and beare him on hande,[218] that he did eate
fygges, apples, or some other thinge that he forbade: and bicause the
pacientes other whyle confessed the same, they thought he had ben a
very connynge man. His seruante hadde great maruayle, howe he parceyued
that, and desyred his mayster to telle hym, whether he knewe hit by
touching of the pulce, orels by some other hygher knowlege. Than sayde
his mayster: for the good seruice that thou haste done me, I wyll open
to the this secrete point. Whan I come in to the pacientes chamber, I
loke al a bout: and, if I spye in the flore shales,[219] parynge of
chese, of aples, or of peares, or any other scrappes, anone I
coniecte,[220] that the pacie
|